apna har dukh KHud se kahna

ḳhud hī apnī sakhī sahelī

din bhar kī sab chhoTī se bhī chhoTī bāteñ

duur kisī gunjān saḌak pe chalte chalte

jab paañv ik patthar se Takrāyā thā to

kaise maiñ chhūī-mūī sī biich saḌak us shaam girī thī

merī chādar tez havā se duur talak uḌtī hī ga.ī thī

nausar-bāz havā se kaise dhokā khāyā

achchhī burī nazreñ duniyā kī

apnī haar aur apnī jiit

apnā sab kuchh ḳhud se kahnā

ḳhud hī baiTh ke rote rahnā

ḳhud ko aap dilāsā denā

apnī aañkh ke saare aañsū ḳhud hī piinā

ḳhud hī marnā

ḳhud hī jiinā

apne dukh-sukh ḳhud se kahnā

ḳhud hī hañsnā

ḳhud hī ronā

rote rote be-ḳhud honā

KHud hi apni sakhi saheli

din bhar ki sab chhoTi se bhi chhoTi baaten

dur kisi gunjaan saDak pe chalte chalte

jab panw ek patthar se Takraya tha to

kaise main chhui-mui si bich saDak us sham giri thi

meri chadar tez hawa se dur talak uDti hi gai thi

nausar-baz hawa se kaise dhoka khaya

achchhi buri nazren duniya ki

apni haar aur apni jit

apna sab kuchh KHud se kahna

KHud hi baiTh ke rote rahna

KHud ko aap dilasa dena

apni aankh ke sare aansu KHud hi pina

KHud hi marna

KHud hi jina

apne dukh-sukh KHud se kahna

KHud hi hansna

KHud hi rona

rote rote be-KHud hona