apne andar zara jhank mere watan

apne andar zarā jhāñk mere vatan

apne aiboñ ko mat Dhāñk mere vatan

terā itihās hai ḳhuuñ meñ luthḌā huā

tū abhī tak hai duniyā meñ bichhḌā huā

tū ne apnoñ ko apnā na maanā kabhī

tū ne insāñ ko insāñ na jaanā kabhī

tere dharmoñ ne zātoñ kī taqsīm kī

tirī rasmoñ ne nafrat kī ta.alīm dī

vahshatoñ kā chalan tujh meñ jaarī rahā

qatl-o-ḳhūñ kā junūñ tujh pe taarī rahā

apne andar zarā jhāñk mere vatan

tū darāviḌ hai yā āriya nasl hai

jo bhī hai ab isī ḳhaak kī fasl hai

rañg aur nasl ke dā.ere se nikal

gir chukā hai bahut der ab to sambhal

tere dil se jo nafrat na miT pā.egī

tere ghar meñ ġhulāmī palaT aa.egī

terī barbādiyoñ kā tujhe vāsta

DhūñD apne liye ab nayā rāsta

apne andar zarā jhāñk mere vatan

apne aiboñ ko mat Dhāñk mere vatan

apne andar zara jhank mere watan

apne aibon ko mat Dhank mere watan

tera itihas hai KHun mein luthDa hua

tu abhi tak hai duniya mein bichhDa hua

tu ne apnon ko apna na mana kabhi

tu ne insan ko insan na jaana kabhi

tere dharmon ne zaton ki taqsim ki

teri rasmon ne nafrat ki talim di

wahshaton ka chalan tujh mein jari raha

qatl-o-KHun ka junun tujh pe tari raha

apne andar zara jhank mere watan

tu darawiD hai ya aariya nasl hai

jo bhi hai ab isi KHak ki fasl hai

rang aur nasl ke daere se nikal

gir chuka hai bahut der ab to sambhal

tere dil se jo nafrat na miT paegi

tere ghar mein ghulami palaT aaegi

teri barbaadiyon ka tujhe wasta

DhunD apne liye ab naya rasta

apne andar zara jhank mere watan

apne aibon ko mat Dhank mere watan