apne liye ek nauha

achchhī tarah dekh chukā huuñ

maiñ maqtūloñ meñ nahīñ

is liye merā shumār qātiloñ meñ kiyā jaanā chāhiye

ye ibādat-gāheñ jis kā ghar kahī jaatī haiñ

merī ek dost

use talāsh kar rahī hai

use ab tak ye ittilā.a nahīñ milī

ki vo ek lambe safar par jā chukā hai

vo mar chukā hai

ye raaz to ek pāgal ne bhī jaan liyā thā

raat to kyā

use DhūñDne ke liye

din meñ bhī

kisī kī koī madad nahīñ kar sakte

charāg

tumhāre paas search-lighteñ haiñ

to unheñ lagā kar dekh lo

shāh-ragoñ ke ās-pās

tez-rau ḳhush-fahmiyoñ par savār

kahāñ kahāñ jāoge

ek murde ke ghar meñ

dāvat par jaane vāloñ kī mezbānī

maut nahīñ karegī to kaun karegā

achchhi tarah dekh chuka hun

main maqtulon mein nahin

is liye mera shumar qatilon mein kiya jaana chahiye

ye ibaadat-gahen jis ka ghar kahi jati hain

meri ek dost

use talash kar rahi hai

use ab tak ye ittilaa nahin mili

ki wo ek lambe safar par ja chuka hai

wo mar chuka hai

ye raaz to ek pagal ne bhi jaan liya tha

raat to kya

use DhunDne ke liye

din mein bhi

kisi ki koi madad nahin kar sakte

charag

tumhaare pas search-lighten hain

to unhen laga kar dekh lo

shah-ragon ke aas-pas

tez-rau KHush-fahmiyon par sawar

kahan kahan jaoge

ek murde ke ghar mein

dawat par jaane walon ki mezbani

maut nahin karegi to kaun karega