apollo-das

apalo das ye kahtā hai

nahīñ ab duur vo manzil

ki jab mahtāb kī vaadī

banegī khel kī mahfil

ye zarrīñ kāmyābī bhī

hamārī hī badaulat hai

milegā chāñd phūloñ se

ki dhartī ek jannat hai

abhī to chāñd haarā hai

sitāre aur hāreñge

zamīñ ham ne sajā.ī hai

falak bhī ham sañvāreñge

buzurgoñ kī nigāhoñ meñ

ye sab kuchh ek jaadū hai

magar ab vahm-e-sābiq par

na.ī duniyā ko qaabū hai

mubārak koshish-e-hāzir

ki mustaqbil hamārā hai

zamīñ ke phuul apne haiñ

mah-e-kāmil hamārā hai

apalo das ye kahta hai

nahin ab dur wo manzil

ki jab mahtab ki wadi

banegi khel ki mahfil

ye zarrin kaamyabi bhi

hamari hi badaulat hai

milega chand phulon se

ki dharti ek jannat hai

abhi to chand haara hai

sitare aur haarenge

zamin hum ne sajai hai

falak bhi hum sanwarenge

buzurgon ki nigahon mein

ye sab kuchh ek jadu hai

magar ab wahm-e-sabiq par

nai duniya ko qabu hai

mubarak koshish-e-hazir

ki mustaqbil hamara hai

zamin ke phul apne hain

mah-e-kaamil hamara hai