aqd-name

aaj unhoñ ne ailān kar hī diyā

dekho!

ham ne tumhārī sab kī sab quvvatoñ kā faisla kiyā thā

qīl-o-qāl kī gunjā.ish baaqī nahīñ hai

tumhāre iqrār-nāme hamāre paas mahfūz haiñ

tum se pahle vāloñ kī ḳhatā yahī thī

ki unheñ,

apnī naaf ke nīche sarsarāhaT kā ehsās

kuchh ziyāda hī ho chalā thā

unheñ shahr-badar kar diyā gayā

un ke pachhtāve aur giḌgiḌāhaTeñ

aaj bhī hamāre kānoñ meñ mahfūz haiñ

tumheñ itnī chhūT dī hī kyuuñ jaa.e

ki tum

kal hamāre muqāble par utar aao

ham tumheñ hoshiyār kiye dete haiñ

dīvāreñ phalāñgne vaale

itaab se bach nahīñ sakte

aqd-nāmoñ par tumhāre dastaḳhat

tumhārī nā-murādī kā khulā e'tirāf haiñ

is ke baġhair

hamārī haram-sarā meñ

dāḳhil hone ke ijāzat-nāme

tumheñ mil bhī kaise sakte the

is se pahle ki hamāre najībut-tarafain shajre mashkūk ho jaa.eñ

aur hamāre hasab-nasab par aañch aa jaa.e

ham!

tum se pahle gulū-ḳhalāsī kā rāsta DhūñD nikāleñge!!

aaj unhon ne ailan kar hi diya

dekho!

hum ne tumhaari sab ki sab quwwaton ka faisla kiya tha

qil-o-qal ki gunjaish baqi nahin hai

tumhaare iqrar-name hamare pas mahfuz hain

tum se pahle walon ki KHata yahi thi

ki unhen,

apni naf ke niche sarsarahaT ka ehsas

kuchh ziyaada hi ho chala tha

unhen shahr-badar kar diya gaya

un ke pachhtawe aur giDgiDahaTen

aaj bhi hamare kanon mein mahfuz hain

tumhein itni chhuT di hi kyun jae

ki tum

kal hamare muqable par utar aao

hum tumhein hoshiyar kiye dete hain

diwaren phalangne wale

itab se bach nahin sakte

aqd-namon par tumhaare dastaKHat

tumhaari na-muradi ka khula e'tiraf hain

is ke baghair

hamari haram-sara mein

daKHil hone ke ijazat-name

tumhein mil bhi kaise sakte the

is se pahle ki hamare najibut-tarafain shajre mashkuk ho jaen

aur hamare hasab-nasab par aanch aa jae

ham!

tum se pahle gulu-KHalasi ka rasta DhunD nikalenge!!