aspatal

maiñ jis jagah huuñ vahāñ zindagī muamma hai

abhī to nauha abhī dil-navāz naġhma hai

abhī hayāt abhī maut abhī sukūñ abhī ġham

ye aspatāl kī duniyā ajiib duniyā hai

har ek nurse ke lab par hañsī sikhā.ī huī

jo doctor hai vo apne ta.iiñ masīhā hai

bayān-e-shauq kī sub.heñ na arz-e-hāl kī shaam

baḌī udaas sī rahtī hai aspatāl kī shaam

saverā aa.e to dil meñ dabī dabī ummīd

phir us ke ba.ad vahī ġham vahī malāl kī shaam

maiñ chāhtā huuñ yahāñ bhī hamesha aatī raheñ

ummīd-e-shauq kī sub.heñ hasīñ ḳhayāl kī shaam

jo hoñ marīz unheñ rāhat dikhā.ī dene lage

har aspatāl meñ jannat dikhā.ī dene lage

main jis jagah hun wahan zindagi muamma hai

abhi to nauha abhi dil-nawaz naghma hai

abhi hayat abhi maut abhi sukun abhi gham

ye aspatal ki duniya ajib duniya hai

har ek nurse ke lab par hansi sikhai hui

jo doctor hai wo apne tain masiha hai

bayan-e-shauq ki subhen na arz-e-haal ki sham

baDi udas si rahti hai aspatal ki sham

sawera aae to dil mein dabi dabi ummid

phir us ke baad wahi gham wahi malal ki sham

main chahta hun yahan bhi hamesha aati rahen

ummid-e-shauq ki subhen hasin KHayal ki sham

jo hon mariz unhen rahat dikhai dene lage

har aspatal mein jannat dikhai dene lage