athar-nafis ke liye

merā ġham mo'atabar thā

takalluf kī qabā noch kar jis ne

ma.asūm rañg-e-ātshīñ bharā thā

taḳhlīq ke band jazboñ ko

aḳhlāq ke hāthoñ par dharā thā

zindagī jis ke liye

daar thī

kū-e-dildār bhī

ruuh kī tafsīr bhī

rañg-e-hinā kī tanvīr bhī

bardāsht jis ne kī

ārzūoñ kī taz.hīk bhī

muqaddas jazbāt kī tazlīl bhī

laboñ par jis ke

kitne etarāzāt the

nihāñ jis ke dil meñ

kitne etarāzāt the

kuchh sutūr

kuchh sutūr ke darmiyāñ bhī thā

kahīñ tahrīk

kahīñ Thahrāv kā samāñ bhī thā

kahīñ ḳhvāb

kahīñ ḳhvāboñ kā sūrat-gar bhī thā

ham aur tum jise na jaan sake

us ke ḳhvāboñ ko na pahchān sake

mera gham mo'atabar tha

takalluf ki qaba noch kar jis ne

masum rang-e-atshin bhara tha

taKHliq ke band jazbon ko

aKHlaq ke hathon par dhara tha

zindagi jis ke liye

dar thi

ku-e-dildar bhi

ruh ki tafsir bhi

rang-e-hina ki tanwir bhi

bardasht jis ne ki

aarzuon ki tazhik bhi

muqaddas jazbaat ki tazlil bhi

labon par jis ke

kitne etaraazat the

nihan jis ke dil mein

kitne etaraazat the

kuchh sutur

kuchh sutur ke darmiyan bhi tha

kahin tahrik

kahin Thahraw ka saman bhi tha

kahin KHwab

kahin KHwabon ka surat-gar bhi tha

hum aur tum jise na jaan sake

us ke KHwabon ko na pahchan sake