aur moD ne kaha

ba.ad muddat chale aa.e kaise idhar

aaj kis tarah merā ḳhayāl aa gayā

Thahro ruk jaao rishta hai kuchh mujh se bhī

kuchh dinoñ kā nahīñ rabt-e-derīna hai

naqsh-e-pā maiñ tumhāre liye baiThā huuñ

raaz siine meñ hai lab siye baiThā huuñ

aise guzre ho pahchānte hī nahīñ

tum to jaise mujhe jānte hī nahīñ

ruk gayā aur kuchh soch kar kho gayā

duur apne tasavvur se bhī ho gayā

bhūlī-bisrī huī raat yaad aa ga.ī

biite lamhoñ kī har baat yaad aa ga.ī

kis ke hamrāh aayā thā is moḌ par

kaun saath paane laayā thā is moḌ par

haañ yahīñ terī zulfoñ kā saaya milā

haañ yahīñ ārzuoñ kā ġhuncha khilā

haañ yahīñ dil kī dhaḌkan huī thī javāñ

haañ yahīñ to mile the zamīñ āsmāñ

ab maiñ is moḌ se kyā kahūñ? tū batā

pūchhtā hai ''vo saaya kahāñ rah gayā''

baad muddat chale aae kaise idhar

aaj kis tarah mera KHayal aa gaya

Thahro ruk jao rishta hai kuchh mujh se bhi

kuchh dinon ka nahin rabt-e-derina hai

naqsh-e-pa main tumhaare liye baiTha hun

raaz sine mein hai lab siye baiTha hun

aise guzre ho pahchante hi nahin

tum to jaise mujhe jaante hi nahin

ruk gaya aur kuchh soch kar kho gaya

dur apne tasawwur se bhi ho gaya

bhuli-bisri hui raat yaad aa gai

bite lamhon ki har baat yaad aa gai

kis ke hamrah aaya tha is moD par

kaun sath pane laya tha is moD par

han yahin teri zulfon ka saya mila

han yahin aarzuon ka ghuncha khila

han yahin dil ki dhaDkan hui thi jawan

han yahin to mile the zamin aasman

ab main is moD se kya kahun? tu bata

puchhta hai wo saya kahan rah gaya