aur niche na utar o mere samea mujhko

aao aa jaao qarīb aao

ki kuchh baat bane

itnī duurī hai ki āvāz pahuñchtī hī nahīñ

maiñ kisī ġhair zabāñ ke alfāz

apne ash.ār meñ shāmil to nahīñ kartā huuñ

dukh to is baat kā hai tum ye samajhte hī nahīñ

mere siine meñ machaltā hai

tumhārā dukh bhī

mere alfāz meñ shāmil hai tumhārī āvāz

mere jazbāt meñ ḳhufta haiñ

tumhāre jazbāt

maiñ jo ad par huuñ to bas ek hī maqsad hai mirā

farsh se arsh kā kuchh rābta baaqī to rahe

maiñ huuñ jis ziine pe

tum us pe nahīñ aa sakte

aur maiñ nīche bahut nīche nahīñ jā saktā

ye tafāvut to azal hī se hai qaa.em

lekin

tum kabhī itne garāñ gosh na the

sīḌhiyāñ jitnī bhī uupar jaa.eñ

paañv to un ke zamīñ se hī lage rahte haiñ

ik zarā qurb-e-samā.at ke liye

kitne hī ziine maiñ utrā huuñ tumhārī ḳhātir

jhaaḌ kar apne band kī miTTī

chand ziine hī sahī

tum bhī to uupar aao

aur nīche na utāro mire sāme.a mujh ko

aao aa jao qarib aao

ki kuchh baat bane

itni duri hai ki aawaz pahunchti hi nahin

main kisi ghair zaban ke alfaz

apne ashaar mein shamil to nahin karta hun

dukh to is baat ka hai tum ye samajhte hi nahin

mere sine mein machalta hai

tumhaara dukh bhi

mere alfaz mein shamil hai tumhaari aawaz

mere jazbaat mein KHufta hain

tumhaare jazbaat

main jo ad par hun to bas ek hi maqsad hai mera

farsh se arsh ka kuchh rabta baqi to rahe

main hun jis zine pe

tum us pe nahin aa sakte

aur main niche bahut niche nahin ja sakta

ye tafawut to azal hi se hai qaem

lekin

tum kabhi itne garan gosh na the

siDhiyan jitni bhi upar jaen

panw to un ke zamin se hi lage rahte hain

ek zara qurb-e-samaat ke liye

kitne hi zine main utra hun tumhaari KHatir

jhaD kar apne band ki miTTi

chand zine hi sahi

tum bhi to upar aao

aur niche na utaro mere samea mujh ko