aurat

Shaad Aarfi

aurat

Shaad Aarfi

MORE BYShaad Aarfi

    tābish-e-ḳhurshīd nūr-e-māh paanī jhalak

    ḳhanda-e-qulqul sadā koyal ġhunchoñ chaTak

    larzish-e-sīmāb bijlī taḌap shāḳhoñ loch

    aql tezī tabī.at upach shā.ir soch

    iztirāb-e-mauj kāñToñ ḳhalish nāgan ke bal

    tiir sur.at kamāñ ijz shamshīroñ ke phal

    aab motī chamak kundan hiire damak

    ashrafī ruup Taksālī mahāsil khanak

    dāman-e-kohsār ke manzar nava-e-ābshār

    shor-e-dariyā karvaTeñ lahroñ sāhil qarār

    zamzame itr kaif-e-naġhma lai puḳhtagī

    shorish-e-mai, laġhzish-e-mai-nosh, josh-e-be-ḳhudī

    āhu-e-ram-ḳhurda vahshat ḳharāre teziyāñ

    gaa.e sanjīdgī jugnū ātish-reziyāñ

    vādī-e-kashmīr nuzhat guloñ rañg-o-bū

    sarv qad kabk raftār qamrī gulū

    zulmat-e-shām-e-avadh sub.h-e-banaras nikhār

    aagre ke taaj azmat himāla vaqār

    somnātī rif.ateñ bhārat tahzīb-e-qadīm

    pāTlī-putra shohrat magdh shān-e-azīm

    dil-pazīrī-e-azāñ dildārī-e-nāqūs-e-dair

    sehan-e-masjid taqaddus partav-e-fānūs-e-dair

    ''harbhajan'' faiz husn-e-e'tiqād-e-barhaman

    kumbh ke mele zīnat vaq.at-e-gañg-o-jaman

    barbat o chañg o surūd o arġhanūñ ke zer-o-bam

    dil-kashī pardoñ āvāzoñ ke jaadū taal sam

    talḳhi-e-anjām jab sab koshisheñ nākām hoñ

    ḳhushnumā seboñ halkī turshiyāñ jab ḳhaam hoñ

    dekh kar ye iqtibās-e-kār-gāh-e-ins-o-jāñ

    kār-pardāzān-e-qudarat meñ huiiñ sargoshiyāñ

    ek bolā imtizāj un qayāmat saaz hai

    dūsrā kahne lagā ḳhāmosh koī raaz hai

    ye anāsir ek muddat tak rahe garm-e-amal

    āḳhirī tahrīk-e-ismat se hue aapas meñ hal

    sub.h-dam jab gosha gosha matla-e-anvār thā

    zarra zarra ālam-e-nairañg sarshār thā

    is murkkab ko usūlī juñbisheñ hone lagīñ

    ye hayūlā irtiqā.ī manzileñ tai kar gayā

    shah-par-e-parvāz iffat se bulandī par gayā

    e'tidāl-e-unsurī par liyā jab iqtidār

    ain-fitrat ke mutābiq shakl ik iḳhtiyār

    aa.ī a.azā meñ gudāzī aur garmī jism meñ

    aa.ī ruḳhsāroñ pe surḳhī aur narmī jism meñ

    pāya-e-takmīl ko pahuñchā jūñhī ye shāhkār

    dast-e-qudrat ne TaTolī nabz us baar baar

    bistar-e-nik.hat pe ye putlī jo mahv-e-ḳhvāb thī

    mast añgḌā.ī ke hāthoñ jaag uThī sharmā ga.ī

    dekh kar shā.ir ne us ko nukta-e-hikmat kahā

    aur be-soche zamāne ne use ''aurat'' kahā

    tabish-e-KHurshid nur-e-mah pani ki jhalak

    KHanda-e-qulqul sada koyal ki ghunchon ki chaTak

    larzish-e-simab bijli ki taDap shaKHon ka loch

    aql ki tezi tabiat ki upach shair ka soch

    iztirab-e-mauj kanTon ki KHalish nagan ke bal

    tir ki surat kaman ka ijz shamshiron ke phal

    aab moti ki chamak kundan ki hire ki damak

    ashrafi ka rup Taksali mahasil ki khanak

    daman-e-kohsar ke manzar nawa-e-abshaar

    shor-e-dariya karwaTen lahron ki sahil ka qarar

    zamzame ka itr kaif-e-naghma lai ki puKHtagi

    shorish-e-mai, laghzish-e-mai-nosh, josh-e-be-KHudi

    aahu-e-ram-KHurda ki wahshat KHarare teziyan

    gae ki sanjidgi jugnu ki aatish-reziyan

    wadi-e-kashmir ki nuzhat gulon ka rang-o-bu

    sarw ka qad kabk ki raftar qamri ka gulu

    zulmat-e-sham-e-awadh subh-e-banaras ka nikhaar

    aagre ke taj ki azmat himala ka waqar

    somnati rifaten bhaarat ki tahzib-e-qadim

    paTli-putra ki shohrat magdh ki shan-e-azim

    dil-paziri-e-azan dildari-e-naqus-e-dair

    sehan-e-masjid ka taqaddus partaw-e-fanus-e-dair

    harbhajan ka faiz husn-e-e'tiqad-e-barhaman

    kumbh ke mele ki zinat waqat-e-gang-o-jaman

    barbat o chang o surud o arghanun ke zer-o-bam

    dil-kashi pardon ki aawazon ke jadu tal sam

    talKHi-e-anjam jab sab koshishen nakaam hon

    KHushnuma sebon ki halki turshiyan jab KHam hon

    dekh kar ye iqtibas-e-kar-gah-e-ins-o-jaan

    kar-pardazan-e-qudarat mein huin sargoshiyan

    ek bola imtizaj un ka qayamat saz hai

    dusra kahne laga KHamosh koi raaz hai

    ye anasir ek muddat tak rahe garm-e-amal

    aaKHiri tahrik-e-ismat se hue aapas mein hal

    subh-dam jab gosha gosha matla-e-anwar tha

    zarra zarra aalam-e-nairang ka sarshaar tha

    is murkkab ko usuli junbishen hone lagin

    ye hayula irtiqai manzilen tai kar gaya

    shah-par-e-parwaz iffat se bulandi par gaya

    e'tidal-e-unsuri par pa liya jab iqtidar

    ain-fitrat ke mutabiq shakl ki ek iKHtiyar

    aai aaza mein gudazi aur garmi jism mein

    aai ruKHsaron pe surKHi aur narmi jism mein

    paya-e-takmil ko pahuncha junhi ye shahkar

    dast-e-qudrat ne TaToli nabz us ki bar bar

    bistar-e-nikhat pe ye putli jo mahw-e-KHwab thi

    mast angDai ke hathon jag uThi sharma gai

    dekh kar shair ne us ko nukta-e-hikmat kaha

    aur be-soche zamane ne use aurat kaha

    Source :
    • Book : meri behtareen nazam (Pg. 70)

    Tagged Under:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY