main bach gai man

Zehra Nigaah

main bach gai man

Zehra Nigaah

MORE BYZehra Nigaah

    maiñ bach ga.ī maañ

    maiñ bach ga.ī maañ

    tire kachche lahū mehñdī

    mire por por meñ rach ga.ī maañ

    maiñ bach ga.ī maañ

    gar mere naqsh ubhar aate

    vo phir bhī lahū se bhar jaate

    mirī āñkheñ raushan ho jaatī to

    tezāb surma lag jaatā

    saTTe-vaTTe meñ baT jaatī

    be-kārī meñ kaam aa jaatī

    har ḳhvāb adhūrā rah jaatā

    mirā qad jo thoḌā baḌhtā

    mire baap qad chhoTā paḌtā

    mirī chunarī sar se Dhalak jaatī

    mire bhaa.ī pagḌī gir jaatī

    tirī lorī sunñe se pahle

    apnī niiñd meñ so ga.ī maañ

    anjān nagar se aa.ī thī

    anjān nagar meñ kho ga.ī maañ

    maiñ bach ga.ī maañ

    maiñ bach ga.ī maañ

    main bach gai man

    main bach gai man

    tere kachche lahu ki mehndi

    mere por por mein rach gai man

    main bach gai man

    gar mere naqsh ubhar aate

    wo phir bhi lahu se bhar jate

    meri aankhen raushan ho jati to

    tezab ka surma lag jata

    saTTe-waTTe mein baT jati

    be-kari mein kaam aa jati

    har KHwab adhura rah jata

    mera qad jo thoDa sa baDhta

    mere bap ka qad chhoTa paDta

    meri chunari sar se Dhalak jati

    mere bhai ki pagDi gir jati

    teri lori sunne se pahle

    apni nind mein so gai man

    anjaan nagar se aai thi

    anjaan nagar mein kho gai man

    main bach gai man

    main bach gai man

    Tagged Under:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY