ba-faiz-e-qaed-e-azam

ham vo haiñ jin kī rivāyāt-e-salaf ke aage

chaḌhte sūraj the nagoñ

qaisar-o-kisrā the zubūñ

gardish-e-vaqt se ik aisā zamāna aayā

ham nigūñ-sār-o-zabūñ-hāl-o-parāganda hue

sāl-hā-sāl kī is sūrat-e-hālāt ke ba.ad

ek insān uThā aisā ki jis ne baḌh kar

azm-o-himmat kā shujā.at kā chalan aam kiyā

aur barsoñ kī ġhulāmī ke shikanjoñ meñ kase

rāh-e-gum-karda bhaTakte hue insānoñ ko

lafz-e-āzādī-e-jamhūr se āgāh kiyā

ik na.e daur-e-daraḳhshanda kā paiġhām diyā

qāfile baḌhte rahe baḌhte rahe baḌhte rahe

sūraj āzādi-e-insāñ ke yūñhī chaḌhte rahe

ham ki vāqif the rivāyāt-e-salaf se apnī

DaT ga.e nazm-e-vatan kī ḳhātir

azm-o-himmat se shujā.at se nayā kaam liyā

aur qaa.id ke usūloñ kā chalan aam kiyā

aaj ham phir vahī mardān-e-jarī haiñ ki jo the

hum wo hain jin ki riwayat-e-salaf ke aage

chaDhte suraj the nagon

qaisar-o-kisra the zubun

gardish-e-waqt se ek aisa zamana aaya

hum nigun-sar-o-zabun-haal-o-paraganda hue

sal-ha-sal ki is surat-e-haalat ke baad

ek insan uTha aisa ki jis ne baDh kar

azm-o-himmat ka shujaat ka chalan aam kiya

aur barson ki ghulami ke shikanjon mein kase

rah-e-gum-karda bhaTakte hue insanon ko

lafz-e-azadi-e-jamhur se aagah kiya

ek nae daur-e-daraKHshanda ka paigham diya

qafile baDhte rahe baDhte rahe baDhte rahe

suraj aazadi-e-insan ke yunhi chaDhte rahe

hum ki waqif the riwayat-e-salaf se apni

DaT gae nazm-e-watan ki KHatir

azm-o-himmat se shujaat se naya kaam liya

aur qaid ke usulon ka chalan aam kiya

aaj hum phir wahi mardan-e-jari hain ki jo the