ba-yaad-e-mahrum

ho kar vo rahā arsh ki jo thā maqsūm

har qalb hai is vaqt hazīn-o-maġhmūm

marhūm ko DhūñDte haiñ duniyā vaale

marhūm se ho ga.ī hai duniyā mahrūm

ab is se hī hogā rañj dil se mādūm

kyuuñ hote ho ai 'arsh' malūl-o-maġhmūm

marhūm kī yaad aur nahīñ us ke sivā

marhūm kī yaad hai kalām-e-mahrūm

jab tak haiñ zamāne meñ mah-o-shamsh-o-nujūm

jab tak haiñ jahāñgīr-e-funūn aur uluum

jab tak hai jahāñ meñ naġhz goī qaa.em

hogā lab-e-duniyā pe kalām-e-'mahrūm'

ho kar wo raha arsh ki jo tha maqsum

har qalb hai is waqt hazin-o-maghmum

marhum ko DhunDte hain duniya wale

marhum se ho gai hai duniya mahrum

ab is se hi hoga ranj dil se madum

kyun hote ho ai 'arsh' malul-o-maghmum

marhum ki yaad aur nahin us ke siwa

marhum ki yaad hai kalam-e-mahrum

jab tak hain zamane mein mah-o-shamsh-o-nujum

jab tak hain jahangir-e-funun aur ulum

jab tak hai jahan mein naghz goi qaem

hoga lab-e-duniya pe kalam-e-'mahrum'