baad-az-waqt

dil ko ehsās se do-chār na kar denā thā

sāz-e-ḳhvābīda ko bedār na kar denā thā

apne ma.asūm tabassum kī farāvānī ko

vus.at-e-dīd pe gul-bār na kar denā thā

shauq-e-majbūr ko bas ek jhalak dikhlā kar

vāqif-e-lazzat-e-takrār na kar denā thā

chashm-e-mushtāq kī ḳhāmosh tamannāoñ ko

yak-ba-yak mā.el-e-guftār na kar denā thā

jalva-e-husn ko mastūr hī rahne dete

hasrat-e-dil ko gunahgār na kar denā thā

dil ko ehsas se do-chaar na kar dena tha

saz-e-KHwabida ko bedar na kar dena tha

apne masum tabassum ki farawani ko

wusat-e-did pe gul-bar na kar dena tha

shauq-e-majbur ko bas ek jhalak dikhla kar

waqif-e-lazzat-e-takrar na kar dena tha

chashm-e-mushtaq ki KHamosh tamannaon ko

yak-ba-yak mael-e-guftar na kar dena tha

jalwa-e-husn ko mastur hi rahne dete

hasrat-e-dil ko gunahgar na kar dena tha