barish-e-sang

dasht-e-dil meñ aaj kaun

fīl-e-be-zanjīr kī mānind phir

sar uThā.e be-dhaḌak

aa rahe haiñ tez tez

apnī sūñDoñ meñ liye zahrāb-e-makr-o-dushmanī

taaki Dhā.eñ ka.aba-e-dil

zā.iqa mujh ko chakhā.eñ maut kā

hai tamanna aaj zaḳhmī

aarzū ke lab pe hai mohr-e-sukūt

ai abābīlo kahāñ ho aaj tum

aao aa kar

sang-rezo kī karo bārish ki phir

sūrat-e-ḳhāshāk-o-ḳhas

pāra-pāra jis se ho jaa.eñ ye fiil

dasht-e-dil mein aaj kaun

fil-e-be-zanjir ki manind phir

sar uThae be-dhaDak

aa rahe hain tez tez

apni sunDon mein liye zahrab-e-makr-o-dushmani

taki Dhaen kaba-e-dil

zaiqa mujh ko chakhaen maut ka

hai tamanna aaj zaKHmi

aarzu ke lab pe hai mohr-e-sukut

ai ababilo kahan ho aaj tum

aao aa kar

sang-rezo ki karo barish ki phir

surat-e-KHashak-o-KHas

para-para jis se ho jaen ye fil