baatuni miyan

rahte haiñ qasbe meñ mere ek bātūnī miyāñ

rokne se bhī nahīñ ruktī kabhī un kī zabāñ

dhun yahī har dam hai un kī qaum kā leader banūñ

qaum pīchhe ho mire maiñ qaum ke aage rahūñ

farq kuchh tazkīr aur tānīs meñ karte nahīñ

guftugū meñ phir bhī vo laate haiñ alfāz-e-hasīñ

ek din bole ki maiñ jaatā huuñ paḌhne ke liye

ghūmtī hai ye zamīñ is ko samajhne ke liye

murġhiyāñ dete haiñ anDe murġh kyoñ detī nahīñ

is se baḌh kar zulm duniyā meñ nahīñ koī nahīñ

sun ke bāteñ un kī mujh ko aa ga.ī fauran hañsī

ye kahā maiñ ne mubārak aap ko ho leaderī

maiñ hañsā merī hañsī par un ko taish aa hī gayā

mere sar ko ek hī patthar meñ zaḳhmī kar diyā

haiñ haqīqat meñ mire qasbe ke vo rūh-e-ravāñ

dekh kar bachche unheñ kahte haiñ ai buddhū miyāñ

rahte hain qasbe mein mere ek baatuni miyan

rokne se bhi nahin rukti kabhi un ki zaban

dhun yahi har dam hai un ki qaum ka leader banun

qaum pichhe ho mere main qaum ke aage rahun

farq kuchh tazkir aur tanis mein karte nahin

guftugu mein phir bhi wo late hain alfaz-e-hasin

ek din bole ki main jata hun paDhne ke liye

ghumti hai ye zamin is ko samajhne ke liye

murghiyan dete hain anDe murgh kyon deti nahin

is se baDh kar zulm duniya mein nahin koi nahin

sun ke baaten un ki mujh ko aa gai fauran hansi

ye kaha main ne mubarak aap ko ho leaderi

main hansa meri hansi par un ko taish aa hi gaya

mere sar ko ek hi patthar mein zaKHmi kar diya

hain haqiqat mein mere qasbe ke wo ruh-e-rawan

dekh kar bachche unhen kahte hain ai buddhu miyan