bachat

inhī do se ābād har ik kā ghar hai

kamānā hai fan aur bachānā hunar hai

ye baat aaj hī sochnā hai zarūrī

kise hai ḳhabar aane vaale dinoñ kī

bure vaqt meñ kaam ā.eñge aksar

rakhoge agar chaar paise bachā kar

bachat hī se mil-jul ke bantī hai daulat

bachat hī se baḌhtī hai mulkoñ kī tāqat

ye fasleñ ye bāzār ye kār-ḳhāne

bachat ne sañvāre haiñ bigḌe zamāne

zarā jā ke ghar dekh lo chiyūñTiyoñ kā

vo dānoñ kā kartī haiñ kaise zaḳhīra

yūñhī qatra qatra samundar banegā

yūñhī lamha lamha muqaddar banegā

bachat kī jo bachpan se Dāloge aadat

baḌe ho ke pāoge duniyā meñ rāhat

inhi do se aabaad har ek ka ghar hai

kamana hai fan aur bachana hunar hai

ye baat aaj hi sochna hai zaruri

kise hai KHabar aane wale dinon ki

bure waqt mein kaam aaenge aksar

rakhoge agar chaar paise bacha kar

bachat hi se mil-jul ke banti hai daulat

bachat hi se baDhti hai mulkon ki taqat

ye faslen ye bazar ye kar-KHane

bachat ne sanware hain bigDe zamane

zara ja ke ghar dekh lo chiyunTiyon ka

wo danon ka karti hain kaise zaKHira

yunhi qatra qatra samundar banega

yunhi lamha lamha muqaddar banega

bachat ki jo bachpan se Daloge aadat

baDe ho ke paoge duniya mein rahat