bachcha aur murgha

ik bachche ne murġhe se kahā

pyāre murġhe ye shor hai kyā

sun sun terī kukḌūñ-kūñ

maiñ saḳht pareshāñ hotā huuñ

jab taare chhupte hote haiñ

sab chain ārām se sote haiñ

us vaqt se tū chillātā hai

kyuuñ itnā shor machātā hai

ma.alūm ho āḳhir baat hai kyā

kuchh apne dil kā haal batā

jā duur machā ye shor kahīñ

paḌhne meñ dil lagtā hī nahīñ

murġhe ne sunā bachche kā bayāñ

bolā na ho nārāz miyāñ

tum sab niiñd ke maate ho

so so vaqt gañvāte ho

ye maiñ jo shor machātā huuñ

mālik ko pukāre jaatā huuñ

ye merī ibādat hai pyāre

allāh kī taa.at hai pyāre

maiñ qahr se us ke Dartā huuñ

har vaqt ibādat kartā huuñ

jab sub.h ko baañg maiñ detā huuñ

aur naam ḳhudā kā letā huuñ

tum kitne ġhāfil hote ho

maiñ jāgtā huuñ tum sote ho

ek bachche ne murghe se kaha

pyare murghe ye shor hai kya

sun sun teri kukDun-kun

main saKHt pareshan hota hun

jab tare chhupte hote hain

sab chain aaram se sote hain

us waqt se tu chillata hai

kyun itna shor machata hai

malum ho aaKHir baat hai kya

kuchh apne dil ka haal bata

ja dur macha ye shor kahin

paDhne mein dil lagta hi nahin

murghe ne suna bachche ka bayan

bola na ho naraaz miyan

tum sab nind ke mate ho

so so waqt ganwate ho

ye main jo shor machata hun

malik ko pukare jata hun

ye meri ibaadat hai pyare

allah ki taat hai pyare

main qahr se us ke Darta hun

har waqt ibaadat karta hun

jab subh ko bang main deta hun

aur nam KHuda ka leta hun

tum kitne ghafil hote ho

main jagta hun tum sote ho