bachchon ka git

laḌakpan kī ḳhushiyoñ kā e.ajāz haiñ ham

Thaharte nahīñ josh-e-parvāz haiñ ham

ki maañ baap ke dil kī āvāz haiñ ham

hamārā gulistāñ hamārī bahāreñ

hamīñ haiñ buzurgoñ ko bahlāne vaale

sharārat meñ dilchaspiyāñ paane vaale

sitāroñ se laḌ laḌ ke so jaane vaale

hamārī bahāreñ hamārā gulistāñ

kabhī josh meñ jhuum kar ham jo gaa.eñ

kabhī mast ho kar jo dhūmeñ machā.eñ

farishte nigāhoñ meñ jalve dikhā.eñ

hamārī bahāreñ hamārā gulistāñ

ghaTāoñ ne ham ko machalnā sikhāyā

havāoñ ne karvaT badalnā sikhāyā

sitāroñ ne be-ḳhauf chalnā sikhāyā

hamārī bahāreñ hamārā gulistāñ

gul-e-zindagī hai nikharte raheñge

nikharte raheñge sañvarte raheñge

na.ī manziloñ se guzarte raheñge

hamārī bahāreñ hamārā gulistāñ

laDakpan ki KHushiyon ka eajaz hain hum

Thaharte nahin josh-e-parwaz hain hum

ki man bap ke dil ki aawaz hain hum

hamara gulistan hamari bahaaren

hamin hain buzurgon ko bahlane wale

shararat mein dilchaspiyan pane wale

sitaron se laD laD ke so jaane wale

hamari bahaaren hamara gulistan

kabhi josh mein jhum kar hum jo gaen

kabhi mast ho kar jo dhumen machaen

farishte nigahon mein jalwe dikhaen

hamari bahaaren hamara gulistan

ghaTaon ne hum ko machalna sikhaya

hawaon ne karwaT badalna sikhaya

sitaron ne be-KHauf chalna sikhaya

hamari bahaaren hamara gulistan

gul-e-zindagi hai nikharte rahenge

nikharte rahenge sanwarte rahenge

nai manzilon se guzarte rahenge

hamari bahaaren hamara gulistan