bachchon ka paigham watan ke nam

ham sulh-o-muravvat kā jab haath baḌhā deñge

ik umr ke rūThoñ ko aapas meñ milā deñge

mullā-o-barahman ab māyūs na hoñ hargiz

ham masjid-o-mandir ke jhagḌoñ ko chukā deñge

kyoñ dukh ho ġharīboñ ko ham kis liye haiñ āḳhir

jo un ko satā.eñge ham un ko miTā.eñge

aapas kī adāvat se har Dūbtī kashtī ko

ehsān o muravvat se ham paar lagā deñge

phir ġhair na samjheñge ik dūsre ko insāñ

jab un ko mohabbat kā ā.īna dikhā deñge

maz.hab ho koī lekin hai hind vatan apnā

ham 'zeb' vatan kī har bigḌī ko banā deñge

hum sulh-o-murawwat ka jab hath baDha denge

ek umr ke ruThon ko aapas mein mila denge

mulla-o-barahman ab mayus na hon hargiz

hum masjid-o-mandir ke jhagDon ko chuka denge

kyon dukh ho gharibon ko hum kis liye hain aaKHir

jo un ko sataenge hum un ko miTaenge

aapas ki adawat se har Dubti kashti ko

ehsan o murawwat se hum par laga denge

phir ghair na samjhenge ek dusre ko insan

jab un ko mohabbat ka aaina dikha denge

mazhab ho koi lekin hai hind watan apna

hum 'zeb' watan ki har bigDi ko bana denge