kahna baDon ka mano
maañ baap aur ustād sab haiñ ḳhudā kī rahmat
hai rok-Tok un kī haq meñ tumhāre ne.amat
kaḌvī nasīhatoñ meñ un kī bharā hai amrit
chāho agar baḌā.ī to kahnā baḌoñ kā maano
maañ baap kā azīzo maanā na jis ne kahnā
dushvār hai jahāñ meñ izzat se us kā rahnā
Dar hai paḌe na sadma zillat kā us kā sahnā
chāho agar baḌā.ī to kahnā baḌoñ kā maano
tum ko ḳhabar nahīñ kuchh apne bhale-bure kī
jitnī hai umr chhoTī utnī hai aql chhoTī
hai behtarī usī meñ hai jo baḌoñ kī marzī
chāho agar baḌā.ī to kahnā baḌoñ kā maano
man bap aur ustad sab hain KHuda ki rahmat
hai rok-Tok un ki haq mein tumhaare neamat
kaDwi nasihaton mein un ki bhara hai amrit
chaho agar baDai to kahna baDon ka mano
man bap ka azizo mana na jis ne kahna
dushwar hai jahan mein izzat se us ka rahna
Dar hai paDe na sadma zillat ka us ka sahna
chaho agar baDai to kahna baDon ka mano
tum ko KHabar nahin kuchh apne bhale-bure ki
jitni hai umr chhoTi utni hai aql chhoTi
hai behtari usi mein hai jo baDon ki marzi
chaho agar baDai to kahna baDon ka mano
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
