maulana mohammad ali jauhar

mujāhidīn-e-vatan meñ shumār un kā hai

har ek qaul-o-amal yādgār un kā hai

hai yaad qaum ko vo dāstāñ shujā.at kī

chalā.ī aap ne tahrīk jab ḳhilāfat kī

vo hurriyat kā parastār qaum kā rahbar

ḳhudā ne qaum ko aisā atā kiyā jauhar

vo qaid-o-band kī jhelī haiñ saḳhtiyāñ jis ne

uḌā.īñ jabr-o-ġhulāmī kī dhajjiyāñ jis ne

vo ahl-e-dard-o-suḳhnavar vo be-misāl ḳhatīb

siyāsiyāt kā māhir sahāfī aur adiib

mohammad aur alī kā hai faiz-e-rūhānī

ki un kā naam jahāñ meñ rahegā lā-fānī

mujahidin-e-watan mein shumar un ka hai

har ek qaul-o-amal yaadgar un ka hai

hai yaad qaum ko wo dastan shujaat ki

chalai aap ne tahrik jab KHilafat ki

wo hurriyat ka parastar qaum ka rahbar

KHuda ne qaum ko aisa ata kiya jauhar

wo qaid-o-band ki jheli hain saKHtiyan jis ne

uDain jabr-o-ghulami ki dhajjiyan jis ne

wo ahl-e-dard-o-suKHnawar wo be-misal KHatib

siyasiyat ka mahir sahafi aur adib

mohammad aur ali ka hai faiz-e-ruhani

ki un ka nam jahan mein rahega la-fani