nehru chacha

kahīñ gulāb kī kaliyoñ meñ muskurāte haiñ

kahīñ hujūm meñ bachchoñ ke paa.e jaate haiñ

nazar se chhup ke bhī vo dil ke paas rahte haiñ

maiñ tum se duur nahīñ huuñ vo ham se kahte haiñ

vo chāchā nehru jo bachchoñ se pyaar karte the

na.e zamāne kā jo intizār karte the

nayā zamāna jo duniyā ko raushnī baḳhshe

har aadmī ko na.ī ek zindagī baḳhshe

vo jis meñ amn-o-mohabbat kā bol baalā ho

charāg-e-ilm se har samt ik ujālā ho

amiir jis meñ na chūseñ lahū ġharīboñ kā

nasīb jis meñ chamak jaa.e bad-nasīboñ kā

ham un ke ḳhvāb haqīqat banā ke chhoḌeñge

ki chāchā nehru se rishta kabhī na toḌeñge

kahin gulab ki kaliyon mein muskuraate hain

kahin hujum mein bachchon ke pae jate hain

nazar se chhup ke bhi wo dil ke pas rahte hain

main tum se dur nahin hun wo hum se kahte hain

wo chacha nehru jo bachchon se pyar karte the

nae zamane ka jo intizar karte the

naya zamana jo duniya ko raushni baKHshe

har aadmi ko nai ek zindagi baKHshe

wo jis mein amn-o-mohabbat ka bol baala ho

charag-e-ilm se har samt ek ujala ho

amir jis mein na chusen lahu gharibon ka

nasib jis mein chamak jae bad-nasibon ka

hum un ke KHwab haqiqat bana ke chhoDenge

ki chacha nehru se rishta kabhi na toDenge