aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

surayya ki guDiya

Sufi Tabassum

surayya ki guDiya

Sufi Tabassum

MORE BYSufi Tabassum

    suno ik maze kahānī suno

    kahānī hamārī zabānī suno

    surayyā guḌiyā thī chhoTī bahut

    na dublī bahut aur na moTī bahut

    jo dekho to nannhī guḌiyā thī vo

    magar ik sharārat puḌiyā thī vo

    jo sotī to din raat sotī thī vo

    jo rotī to din raat rotī thī vo

    na ammī ke saath aur na bhayyā ke saath

    vo har vaqt rahtī surayyā ke saath

    surayyā ne ik din ye us se kahā

    mirī nannhī guḌiyā yahāñ baiTh

    bulāyā hai ammī ne aatī huuñ maiñ

    khaTolī meñ tujh ko sulātī huuñ maiñ

    vo nādān guḌiyā ḳhafā ho ga.ī

    vo roī vo chillā.ī aur so ga.ī

    achānak vahāñ ik parī aa ga.ī

    khulī aañkh guḌiyā ghabrā ga.ī

    to bolī parī muskurātī huī

    sunahrī paroñ ko hilātī huī

    ''idhar aao tum mujh se bāteñ karo

    maiñ nāzuk parī huuñ na mujh se Daro''

    vo guḌiyā magar aur bhī Dar ga.ī

    lagī chīḳhne ''hā.e maiñ mar ga.ī

    ''mirī pyārī aapā bachā lo mujhe

    kisī koTharī meñ chhupā lo mujhe''

    surayyā ne aa kar uThāyā use

    uThā kar gale se lagāyā use

    gale se lagāte chup ho ga.ī

    vo chup ho ga.ī aur phir so ga.ī

    surayyā ko dekhā parī uḌ ga.ī

    jidhar se thī aa.ī udhar muḌ ga.ī

    suno ek maze ki kahani suno

    kahani hamari zabani suno

    surayya ki guDiya thi chhoTi bahut

    na dubli bahut aur na moTi bahut

    jo dekho to nannhi si guDiya thi wo

    magar ek shararat ki puDiya thi wo

    jo soti to din raat soti thi wo

    jo roti to din raat roti thi wo

    na ammi ke sath aur na bhayya ke sath

    wo har waqt rahti surayya ke sath

    surayya ne ek din ye us se kaha

    meri nannhi guDiya yahan baiTh ja

    bulaya hai ammi ne aati hun main

    khaToli mein tujh ko sulati hun main

    wo nadan guDiya KHafa ho gai

    wo roi wo chillai aur so gai

    achanak wahan ek pari aa gai

    khuli aankh guDiya ki ghabra gai

    to boli pari muskuraati hui

    sunahri paron ko hilati hui

    idhar aao tum mujh se baaten karo

    main nazuk pari hun na mujh se Daro

    wo guDiya magar aur bhi Dar gai

    lagi chiKHne hae main mar gai

    miri pyari aapa bacha lo mujhe

    kisi koThari mein chhupa lo mujhe

    surayya ne aa kar uThaya use

    uTha kar gale se lagaya use

    gale se lagate hi chup ho gai

    wo chup ho gai aur phir so gai

    surayya ko dekha pari uD gai

    jidhar se thi aai udhar muD gai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now