apnī tahzīb hai aur apnī zabāñ hai urdu
apne ghar meñ magar afsos kahāñ hai urdu
ahl-e-ulfat ke liye husn-e-ravāñ hai urdu
ahl-e-dil ke liye dilkash hai javāñ hai urdu
aaj bhī 'ġhālib' o 'iqbāl' paḌhe jaate haiñ
aaj bhī kal kī tarah jādū-bayāñ hai urdu
aaj bhī 'prem' ke aur 'krishn' ke afsāne haiñ
aaj bhī vaqt kī jamhūrī zabāñ hai urdu
aaj bhī mulk kī azmat ke haiñ naġhme is meñ
aaj bhī qaum kī hurmat kā bayāñ hai urdu
aaj bhī bazm kī raunaq hai 'atā' is ke sabab
mahfil-e-sher kī is vaqt bhī jaañ hai urdu
apni tahzib hai aur apni zaban hai urdu
apne ghar mein magar afsos kahan hai urdu
ahl-e-ulfat ke liye husn-e-rawan hai urdu
ahl-e-dil ke liye dilkash hai jawan hai urdu
aaj bhi 'ghaalib' o 'iqbaal' paDhe jate hain
aaj bhi kal ki tarah jadu-bayan hai urdu
aaj bhi 'prem' ke aur 'krishn' ke afsane hain
aaj bhi waqt ki jamhuri zaban hai urdu
aaj bhi mulk ki azmat ke hain naghme is mein
aaj bhi qaum ki hurmat ka bayan hai urdu
aaj bhi bazm ki raunaq hai 'ata' is ke sabab
mahfil-e-sher ki is waqt bhi jaan hai urdu
Source:
Khushboo Khushboo Nazmen Apni (Pg. 37)
- Author: Ata Abidi
-
- Edition: 2012
- Publisher: Book Emporium,Urdu Bazar Sabzi Bagh, Patna
- Year of Publication: 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
