baDhe chalo

uTho uTho uTho uTho

kamar kaso kamar kaso

sahar se pahle chal paḌo

kaḌī hai raah dosto

thakan kā naam bhī na lo

baḌhe chalo baḌhe chalo

jhijak na dil meñ laao tum

bas ab qadam uThāo tum

zarā na Dagmagāo tum

ḳhudā se lau lagāo tum

malūl-o-muztarib na ho

baḌhe chalo baḌhe chalo

uThā diyā qadam agar

to ḳhatm hai bas ab safar

hai raah sāf-o-be-ḳhatar

na koī ḳhauf hai na Dar

chale chalo baḌhe chalo

baḌhe chalo baḌhe chalo

tumhāre ham-safar jo the

vo manziloñ pe jā lage

sab aage tum se baḌh ga.e

magar ho tum paḌe hue

zarā samajh se kaam lo

baḌhe chalo baḌhe chalo

diloñ meñ jo ho valvala

to Daal doge zalzala

rahe buland hausla

vo sāmne hai marhala

vahīñ pahuñch ke saañs lo

baḌhe chalo baḌhe chalo

uTho uTho uTho uTho

kamar kaso kamar kaso

sahar se pahle chal paDo

kaDi hai rah dosto

thakan ka nam bhi na lo

baDhe chalo baDhe chalo

jhijak na dil mein lao tum

bas ab qadam uThao tum

zara na Dagmagao tum

KHuda se lau lagao tum

malul-o-muztarib na ho

baDhe chalo baDhe chalo

uTha diya qadam agar

to KHatm hai bas ab safar

hai rah saf-o-be-KHatar

na koi KHauf hai na Dar

chale chalo baDhe chalo

baDhe chalo baDhe chalo

tumhaare ham-safar jo the

wo manzilon pe ja lage

sab aage tum se baDh gae

magar ho tum paDe hue

zara samajh se kaam lo

baDhe chalo baDhe chalo

dilon mein jo ho walwala

to Dal doge zalzala

rahe buland hausla

wo samne hai marhala

wahin pahunch ke sans lo

baDhe chalo baDhe chalo