bahut ghuTan hai

bahut ghuTan hai koī sūrat-e-bayāñ nikle

agar sadā na uThe kam se kam fuġhāñ nikle

faqīr-e-shahr ke tan par libās baaqī hai

amīr-e-shahr ke armāñ abhī kahāñ nikle

haqīqateñ haiñ salāmat to ḳhvāb bahutere

udaas kyuuñ ho jo kuchh ḳhvāb rā.egāñ nikle

vo falsafe jo har ik āstāñ ke dushman the

amal meñ aa.e to ḳhud vaqf-e-āstāñ nikle

idhar bhī ḳhaak uḌī hai udhar bhī zaḳhm paḌe

jidhar se ho ke bahāroñ ke kārvāñ nikle

sitam ke daur meñ ham ahl-e-dil hī kaam aa.e

zabāñ pe naaz thā jin ko vo be-zabāñ nikle

bahut ghuTan hai koi surat-e-bayan nikle

agar sada na uThe kam se kam fughan nikle

faqir-e-shahr ke tan par libas baqi hai

amir-e-shahr ke arman abhi kahan nikle

haqiqaten hain salamat to KHwab bahutere

udas kyun ho jo kuchh KHwab raegan nikle

wo falsafe jo har ek aastan ke dushman the

amal mein aae to KHud waqf-e-astan nikle

idhar bhi KHak uDi hai udhar bhi zaKHm paDe

jidhar se ho ke bahaaron ke karwan nikle

sitam ke daur mein hum ahl-e-dil hi kaam aae

zaban pe naz tha jin ko wo be-zaban nikle