bahut hai ek nazar

qadam qadam pe mujhe ye ḳhayāl aatā hai

tirī nazar kā sahārā mile to kyā kam hai!

ḳhizāñ meñ rah ke bahāroñ kī aarzū na karūñ

jo zaḳhm-e-dil bhī mahak kar khile to kyā kam hai!

hazār chaak haiñ dāmān-e-zindagī ke magar

jo ek chāk-e-garebāñ sile to kyā kam hai!

tamām tiira manāzil se maiñ guzar jā.ūñ

jo ek sham-e-mohabbat jale to kyā kam hai!

vo giit jo mire hoñToñ pe aa nahīñ saktā

vo ashk-e-ġham ke sahāre Dhale to kyā kam hai!

rah-e-hayāt meñ dīvāngī kī manzil par

sambhal sambhal dil-e-nādāñ chale to kyā kam hai!

ye gomtī ye avadh kī hasīn raqqāsa

maiñ sochtā huuñ ise rāz-dāñ banā Dālūñ

fazā pe surma.ī āñchal uḌhā ke duur talak

isī zamīñ pe nayā āsmāñ banā Dālūñ

ye mere ashk-e-mohabbat ke pāsdār bhī haiñ

bahut hai ek nazar bhī jo ġham kī mahram ho

maiñ is nazar se nayā āstāñ banā Dālūñ

qadam qadam pe mujhe ye ḳhayāl aatā hai

tirī nazar kā sahārā mile to kyā kam hai!

qadam qadam pe mujhe ye KHayal aata hai

teri nazar ka sahaara mile to kya kam hai!

KHizan mein rah ke bahaaron ki aarzu na karun

jo zaKHm-e-dil bhi mahak kar khile to kya kam hai!

hazar chaak hain daman-e-zindagi ke magar

jo ek chaak-e-gareban sile to kya kam hai!

tamam tera manazil se main guzar jaun

jo ek sham-e-mohabbat jale to kya kam hai!

wo git jo mere honTon pe aa nahin sakta

wo ashk-e-gham ke sahaare Dhale to kya kam hai!

rah-e-hayat mein diwangi ki manzil par

sambhal sambhal dil-e-nadan chale to kya kam hai!

ye gomti ye awadh ki hasin raqqasa

main sochta hun ise raaz-dan bana Dalun

faza pe surmai aanchal uDha ke dur talak

isi zamin pe naya aasman bana Dalun

ye mere ashk-e-mohabbat ke pasdar bhi hain

bahut hai ek nazar bhi jo gham ki mahram ho

main is nazar se naya aastan bana Dalun

qadam qadam pe mujhe ye KHayal aata hai

teri nazar ka sahaara mile to kya kam hai!