bahut KHub-surat ho tum

bahut ḳhūb-sūrat ho tum bahut ḳhūb-sūrat ho tum

kabhī maiñ jo kah duuñ mohabbat hai tum se

to mujh ko ḳhudā rā ġhalat mat samajhnā

ki merī zarūrat ho tum bahut ḳhūb-sūrat ho tum

haiñ phūloñ kī Daalī pe bāñheñ tumhārī

haiñ ḳhāmosh jaadū nigāheñ tumhārī

jo kāñTe huuñ sab apne dāman meñ rakh luuñ

sajā.ūñ maiñ kaliyoñ se rāheñ tumhārī

nazar se zamāne kī ḳhud ko bachānā

kisī aur se dekho dil mat lagānā

ki merī amānat ho tum

bahut ḳhūb-sūrat ho tum

hai chehrā tumhārā ki din hai sunahrā

hai chehrā tumhārā ki din hai sunahrā

aur is par ye kaalī ghaTāoñ kā pahrā

gulāboñ se nāzuk mahaktā badan hai

ye lab haiñ tumhāre ki khiltā chaman hai

bikhero jo zulfeñ to sharmā.e bādal

farishte bhī dekheñ to ho jaa.eñ pāgal

vo pākīza mūrat ho tum bahut ḳhūb-sūrat ho tum

jo ban ke kalī muskurātī hai aksar

shab-e-hijr meñ jo rulātī hai aksar

jo lamhoñ hī lamhoñ meñ duniyā badal de

jo shā.ir ko de jaa.e pahlū ġhazal ke

chhupānā jo chāheñ chhupā.ī na jaa.e

bhulānā jo chāheñ bhulā.ī na jaa.e

vo pahlī mohabbat ho tum bahut ḳhūb-sūrat ho tum

bahut KHub-surat ho tum bahut KHub-surat ho tum

kabhi main jo kah dun mohabbat hai tum se

to mujh ko KHuda ra ghalat mat samajhna

ki meri zarurat ho tum bahut KHub-surat ho tum

hain phulon ki Dali pe banhen tumhaari

hain KHamosh jadu nigahen tumhaari

jo kanTe hun sab apne daman mein rakh lun

sajaun main kaliyon se rahen tumhaari

nazar se zamane ki KHud ko bachana

kisi aur se dekho dil mat lagana

ki meri amanat ho tum

bahut KHub-surat ho tum

hai chehra tumhaara ki din hai sunahra

hai chehra tumhaara ki din hai sunahra

aur is par ye kali ghaTaon ka pahra

gulabon se nazuk mahakta badan hai

ye lab hain tumhaare ki khilta chaman hai

bikhero jo zulfen to sharmae baadal

farishte bhi dekhen to ho jaen pagal

wo pakiza murat ho tum bahut KHub-surat ho tum

jo ban ke kali muskuraati hai aksar

shab-e-hijr mein jo rulati hai aksar

jo lamhon hi lamhon mein duniya badal de

jo shair ko de jae pahlu ghazal ke

chhupana jo chahen chhupai na jae

bhulana jo chahen bhulai na jae

wo pahli mohabbat ho tum bahut KHub-surat ho tum