baiTha hai mere samne wo
baiThā hai mere sāmne vo
jaane kisī soch meñ paḌā hai
achchhī āñkheñ milī haiñ us ko
vahshat karnā bhī aa gayā hai
bichh jā.ūñ maiñ us ke rāste meñ
phir bhī kyā is se fā.eda hai
ham donoñ hī ye to jānte haiñ
vo mere liye nahīñ banā hai
mere liye us ke haath kaafī
us ke liye saarā falsafa hai
merī nazroñ se hai pareshāñ
ḳhud apnī kashish se hī ḳhafā hai
sab baat samajh rahā hai lekin
gum-sum sā mujh ko dekhtā hai
jaise mele meñ koī bachcha
apnī maañ se bichhaḌ gayā hai
us ke siine meñ chhup ke ro.uuñ
merā dil to ye chāhtā hai
kaisā ḳhush-rañg phuul hai vo
jo us ke laboñ pe khil rahā hai
yā rab vo mujhe kabhī na bhūle
merī tujh se yahī duā hai
baiTha hai mere samne wo
jaane kisi soch mein paDa hai
achchhi aankhen mili hain us ko
wahshat karna bhi aa gaya hai
bichh jaun main us ke raste mein
phir bhi kya is se faeda hai
hum donon hi ye to jaante hain
wo mere liye nahin bana hai
mere liye us ke hath kafi
us ke liye sara falsafa hai
meri nazron se hai pareshan
KHud apni kashish se hi KHafa hai
sab baat samajh raha hai lekin
gum-sum sa mujh ko dekhta hai
jaise mele mein koi bachcha
apni man se bichhaD gaya hai
us ke sine mein chhup ke roun
mera dil to ye chahta hai
kaisa KHush-rang phul hai wo
jo us ke labon pe khil raha hai
ya rab wo mujhe kabhi na bhule
meri tujh se yahi dua hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
