baiza-e-mahram

‘ahd-e-pārīna meñ bhī

ziist par thā vahm kā kitnā asar

ek ‎oracle kī talqīñ maan kar

shaah augustus kī biivī livia

apnī añgiyā kī fazā-e-garm meñ rakhtī thī ik murġhī kā anDā roz-o-shab

us ko ye vishvās thā

us ke hone vaale bachche aur us chūze kī jins

ek ho ga.ī āḳhirash yūñhī huā

āshiyān-e-garm-o-shoḳh-o-narm se

ek nar niklā to us kī kokh se bhī ek nar paidā huā Tiberius

aur phir is ittifāqī vāqa'e ne to zabān-e-rome meñ

'aam kar dī baiza-e-mahram kī tarbiyyat kī rasm

‘ahd-e-parina mein bhi

zist par tha wahm ka kitna asar

ek ‎oracle ki talqin man kar

shah augustus ki biwi liwia

apni angiya ki faza-e-garm mein rakhti thi ek murghi ka anDa roz-o-shab

us ko ye wishwas tha

us ke hone wale bachche aur us chuze ki jins

ek ho gai aaKHirash yunhi hua

aashiyan-e-garm-o-shoKH-o-narm se

ek nar nikla to us ki kokh se bhi ek nar paida hua Tiberius

aur phir is ittifaqi waqa'e ne to zaban-e-rome mein

'am kar di baiza-e-mahram ki tarbiyyat ki rasm