baiza-e-mahram

ahd-e-pārīna meñ bhī

ziist par thā vahm kā kitnā asar

ek ‎oracle kī talqīñ maan kar

shaah āgastas kī biivī 'leviyā'

apnī añgiyā kī fazā-e-garm meñ rakhtī thī ik marzī kā anDā roz-o-shab

is ko ye vishvās thā

is ke hone vaale bachche aur is chūze kī jins

ek hogī āḳhirash yūñhī huā

āshiyāñ garm-o-shoḳh-o-narm se

ek nar niklā to us kī kokh se bhī ek nar paidā huā taibres

aur phir us ittifāqī vaaq.e ne to zanān-e-rom meñ

aam kar dī baiza-e-mahram kī tarbiyat kī rasm

ahd-e-parina mein bhi

zist par tha wahm ka kitna asar

ek ‎oracle ki talqin man kar

shah aagastas ki biwi 'lewiya'

apni angiya ki faza-e-garm mein rakhti thi ek marzi ka anDa roz-o-shab

is ko ye wishwas tha

is ke hone wale bachche aur is chuze ki jins

ek hogi aaKHirash yunhi hua

aashiyan garm-o-shoKH-o-narm se

ek nar nikla to us ki kokh se bhi ek nar paida hua taibres

aur phir us ittifaqi waqe ne to zanan-e-rom mein

aam kar di baiza-e-mahram ki tarbiyat ki rasm