balle-baz

jab paḌhā.ī karte karte bor ho jaatā huuñ maiñ

daab kar ballā baġhal meñ field par aatā huuñ maiñ

phir nahīñ duniyā-o-mā-fīhā kā kuchh rahtā ḳhayāl

kheltā jaatā huuñ maiñ bas kheltā jaatā huuñ maiñ

dead pitch ho yā slow bowler to mere aish haiñ

fast pitch aur tez bowler ho to ghabrātā huuñ maiñ

in cutter out cutter se ho ke bilkul be-niyāz

band kar ke aañkh bas ballā ghumā jaatā huuñ maiñ

jab maiñ chhakkā mārtā huuñ aur vo ho jaatā hai catch

apnī is dīvāngī par jheñp sā jaatā huuñ maiñ

forward jaatā huuñ maiñ guglī uThāne ke liye

aqab meñ apne magar wicketeñ girī paatā huuñ maiñ

century kā garche le kar dil meñ jaatā huuñ ḳhayāl

lekin aksar le kar anDa hī palaT aatā huuñ maiñ

ho ke ab mohtāt maiñ khelūñgā agle match meñ

har dafa ye kah ke apne dil ko samajhtā huuñ maiñ

jab paDhai karte karte bor ho jata hun main

dab kar balla baghal mein field par aata hun main

phir nahin duniya-o-ma-fiha ka kuchh rahta KHayal

khelta jata hun main bas khelta jata hun main

dead pitch ho ya slow bowler to mere aish hain

fast pitch aur tez bowler ho to ghabraata hun main

in cutter out cutter se ho ke bilkul be-niyaz

band kar ke aankh bas balla ghuma jata hun main

jab main chhakka marta hun aur wo ho jata hai catch

apni is diwangi par jhenp sa jata hun main

forward jata hun main gugli uThane ke liye

aqab mein apne magar wicketen giri pata hun main

century ka garche le kar dil mein jata hun KHayal

lekin aksar le kar anDa hi palaT aata hun main

ho ke ab mohtat main khelunga agle match mein

har dafa ye kah ke apne dil ko samajhta hun main