Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ban-bas

MORE BYKhalilur Rahman Azmi

    maiñ ki ḳhud apnī āvāz ke sho'loñ asiir

    maiñ ki ḳhud apnī zanjīr zindānī huuñ

    kaun samjhegā jahāñ meñ mire zaḳhmoñ hisāb

    kis ko ḳhush aa.egā is dahr meñ rūhoñ 'azāb

    kaun aa kar mire miTne tamāsha dekhe

    kis ko fursat ki ujaḌtī huī duniyā dekhe

    kaun bhaḌkī huī is aag ko apnā.egā

    jo bhī aa.egā mire saath jal jā.egā

    vo ghaḌī kaun thī jab mujh ko milā thā banbās

    ek jhoñkā bhī havā na vatan se aaya

    na koī nik.hat-e-gul aur na koī mauj-e-nasīm

    phir koī DhūñDhne mujh ko na chaman se aaya

    maiñ vo ik laa'l huuñ jo bik gayā bāzāroñ meñ

    phir koī pūchhne mujh ko na yaman se aaya

    yaad karte hue ik yūsuf-e-gum-gashta ko

    kuchh dinoñ roī to hogī mire ghar dīvār

    kuchh dinoñ gaañv galiyoñ meñ udāsī hogī

    kuchh dinoñ khil na sake hoñge mire hār-siñghār

    kuchh dinoñ ke liye sunsān lagtā hogā

    aam ke baaġh meñ bechain phirī hogī bahār

    maiñ ne ik peḌ pe jo naam likhā thā apnā

    kuchh dinoñ zaḳhm ke mānind vo taaza hogā

    mere sab dost use dekh ke kahte hoñge

    jaane kis desh meñ bechāra bhaTaktā hogā

    'umr bhar kaun kise yaad kiyā kartā hai

    ek ik kar ke mujhe sab ne bhulāyā hogā

    haa.e un ko bhī ḳhabar kyā ki vo ik zaḳhm-nasīb

    zindagī ke liye niklā thā jo raahī ban kar

    aaj tak na sakā chashma-e-āb-e-haivāñ

    us ko sūraj bhī mile haiñ to siyāhī ban kar

    ghar se laayā thā jo kuchh tab'-e-ravāñ zehn-e-rasā

    saath us ke rahe asbāb-e-tabāhī ban kar

    merā ye jurm ki maiñ sāhib-e-idrāk-o-shu’ūr

    merā ye 'aib ki ik shā'ir-o-fankār huuñ maiñ

    mujh ko ye zid hai ki maiñ sar na jhukā.ūñgā kabhī

    mujh ko isrār ki jiine sazā-vār huuñ maiñ

    mujh ko ye faḳhr ki maiñ haqq-o-sadāqat amiiñ

    mujh ko ye zo'm ḳhud-āgāh huuñ ḳhud.dār huuñ maiñ

    ek ik moḌ pe ālām-o-masā.ib ke pahāḌ

    ek ik gaam pe āfāt se Takrāyā huuñ

    ek ik zahr ko hañs hañs ke piyā hai maiñ ne

    ek ik zaḳhm ko chun chun ke uThā laayā huuñ

    ek ik lamhe zanjīr se maiñ uljhā huuñ

    ek ik saañs pe ḳhud aap se sharmāyā huuñ

    yuuñ to kahne nahīñ baat magar kahtā huuñ

    pyaar naam kitāboñ meñ likhā dekhā hai

    jab kabhī haath baḌhāyā hai kisī jānib

    fāsla aur bhī kuchh baḌhtā huā dekhā hai

    būñd-bhar de na sakā koī mohabbat sharāb

    yuuñ to maiḳhāne mai-ḳhāna luTā dekhā hai

    main ki KHud apni hi aawaz ke sho'lon ka asir

    main ki KHud apni hi zanjir ka zindani hun

    kaun samjhega jahan mein mere zaKHmon ka hisab

    kis ko KHush aaega is dahr mein ruhon ka 'azab

    kaun aa kar mere miTne ka tamasha dekhe

    kis ko fursat ki ujaDti hui duniya dekhe

    kaun bhaDki hui is aag ko apnaega

    jo bhi aaega mere sath hi jal jaega

    wo ghaDi kaun thi jab mujh ko mila tha banbas

    ek jhonka bhi hawa ka na watan se aaya

    na koi nikhat-e-gul aur na koi mauj-e-nasim

    phir koi DhunDhne mujh ko na chaman se aaya

    main wo ek la'l hun jo bik gaya bazaron mein

    phir koi puchhne mujh ko na yaman se aaya

    yaad karte hue ek yusuf-e-gum-gashta ko

    kuchh dinon roi to hogi mere ghar ki diwar

    kuchh dinon ganw ki galiyon mein udasi hogi

    kuchh dinon khil na sake honge mere haar-singhaar

    kuchh dinon ke liye sunsan sa lagta hoga

    aam ke bagh mein bechain phiri hogi bahaar

    main ne ek peD pe jo nam likha tha apna

    kuchh dinon zaKHm ke manind wo taza hoga

    mere sab dost use dekh ke kahte honge

    jaane kis desh mein bechaara bhaTakta hoga

    'umr bhar kaun kise yaad kiya karta hai

    ek ek kar ke mujhe sab ne bhulaya hoga

    hae un ko bhi KHabar kya ki wo ek zaKHm-nasib

    zindagi ke liye nikla tha jo rahi ban kar

    aaj tak pa na saka chashma-e-ab-e-haiwan

    us ko suraj bhi mile hain to siyahi ban kar

    ghar se laya tha jo kuchh tab'-e-rawan zehn-e-rasa

    sath us ke rahe asbab-e-tabahi ban kar

    mera ye jurm ki main sahib-e-idrak-o-shu’ur

    mera ye 'aib ki ek sha'ir-o-fankar hun main

    mujh ko ye zid hai ki main sar na jhukaunga kabhi

    mujh ko israr ki jine ka saza-war hun main

    mujh ko ye faKHr ki main haqq-o-sadaqat ka amin

    mujh ko ye zo'm KHud-agah hun KHuddar hun main

    ek ek moD pe aalam-o-masaib ke pahaD

    ek ek gam pe aafat se Takraya hun

    ek ek zahr ko hans hans ke piya hai main ne

    ek ek zaKHm ko chun chun ke uTha laya hun

    ek ek lamhe ki zanjir se main uljha hun

    ek ek sans pe KHud aap se sharmaya hun

    yun to kahne ki nahin baat magar kahta hun

    pyar ka nam kitabon mein likha dekha hai

    jab kabhi hath baDhaya hai kisi ki jaanib

    fasla aur bhi kuchh baDhta hua dekha hai

    bund-bhar de na saka koi mohabbat ki sharab

    yun to maiKHane ka mai-KHana luTa dekha hai

    Source :
    • Book : Teri Sadaa Ka Intezaar (Pg. 145)
    • Author : Khaleel-Ur-Rehman Azmi
    • Publication : Rekhta Publications (2018)
    • Edition : First
    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now