barf-bari

barf har aan gire jaatī hai

bām-o-dar kūcha o maidāñ chup haiñ

raat ke sāya-e-larzāñ chup haiñ

koī motor kabhī bhūle se guzar jaatī hai

har qadam gintī huī

apnī chuñdhyā.ī huī āñkhoñ se

varna har samt bas ik āhanī ḳhāmoshī hai

koī āvāz na sargoshī hai

aur ye dil bhī ki thī garmī-e-bāzār jahāñ

aaj muddat se bayābān kī sūrat chup hai

zindagī hai ki kisī taur kaTe jaatī hai

barf har aan gire jaatī hai

ye samāñ barf se Dhak jā.egā

rāh-rau rāsta chalte hue thak jā.egā

umr-e-rafta ke ḳhat-o-ḳhāl-e-nihāñ

koī mushkil hī se pahchānegā

raaz sar-basta raheñge dil meñ

kis ko ġham hai ki unheñ jānegā

vaqt kī girtī huī barf gire jā.egī

ek dhundlā.ī huī raat kabhī aa.egī

zindagī yūñhī guzar jā.egī

barf har aan gire jati hai

baam-o-dar kucha o maidan chup hain

raat ke saya-e-larzan chup hain

koi motor kabhi bhule se guzar jati hai

har qadam ginti hui

apni chundhyai hui aankhon se

warna har samt bas ek aahani KHamoshi hai

koi aawaz na sargoshi hai

aur ye dil bhi ki thi garmi-e-bazar jahan

aaj muddat se bayaban ki surat chup hai

zindagi hai ki kisi taur kaTe jati hai

barf har aan gire jati hai

ye saman barf se Dhak jaega

rah-rau rasta chalte hue thak jaega

umr-e-rafta ke KHat-o-KHal-e-nihan

koi mushkil hi se pahchanega

raaz sar-basta rahenge dil mein

kis ko gham hai ki unhen jaanega

waqt ki girti hui barf gire jaegi

ek dhundlai hui raat kabhi aaegi

zindagi yunhi guzar jaegi