barsat

ḳhuub bādal kā barasnā pyaar hai barsāt meñ

rahmatoñ kā is tarah iz.hār hai barsāt meñ

arsh se aayā zamīñ meñ jazb paanī ho gayā

aap ko aane meñ ham tak aa rahe barsāt meñ

ai ḳhushā dil ab to sailāb-e-mohabbat aa.egā

aaj to bā-chashm-e-nam dildār hai barsāt meñ

yuuñ to piine ke bahut charche haiñ bazm-e-zohd meñ

kaun kāfir hai jise inkār hai barsāt meñ

taar bārish kā na TuuTe baj uTheñ tār-e-junūñ

āfrīñ dāmān-e-dil bhī taar hai barsāt meñ

dūsre sab mausamoñ meñ haiñ ravayye sard-o-garm

us ke lab par haañ magar iqrār hai barsāt meñ

ai 'suhail' us ko zarā khul kar barasnā chāhiye

ehtiyāt-e-husn-e-dil dil baar hai barsāt meñ

KHub baadal ka barasna pyar hai barsat mein

rahmaton ka is tarah izhaar hai barsat mein

arsh se aaya zamin mein jazb pani ho gaya

aap ko aane mein hum tak aa rahe barsat mein

ai KHusha dil ab to sailab-e-mohabbat aaega

aaj to ba-chashm-e-nam dildar hai barsat mein

yun to pine ke bahut charche hain bazm-e-zohd mein

kaun kafir hai jise inkar hai barsat mein

tar barish ka na TuTe baj uThen tar-e-junun

aafrin daman-e-dil bhi tar hai barsat mein

dusre sab mausamon mein hain rawayye sard-o-garm

us ke lab par han magar iqrar hai barsat mein

ai 'suhail' us ko zara khul kar barasna chahiye

ehtiyat-e-husn-e-dil dil bar hai barsat mein