barsat aa gai hai

garmī ke zulm se ye

duniyā dahak rahī thī

pyāsī zamīn kab se

ākāsh tak rahī thī

mausam ko kyā huā hai

pal meñ badal gayā hai

lū ban ke chal rahī thī

ye to vahī havā hai

dekho chalī havā.eñ

chillā.īñ saa.eñ saa.eñ

bādal ko saath apne

har samt le ke jaa.eñ

tham tham chale haiñ bādal

Dam Dam baje haiñ bādal

kholī hai āsmāñ ne

bādal kī apnī chhāgal

paanī baras rahā hai

mausam ye hañs rahā hai

bārish meñ bhīgtā hai

kīchaḌ meñ phañs rahā hai

baste uThā.e bachche

schōl ko chale haiñ

khetoñ kī samt apne

dahqāñ nikal paḌe haiñ

har samt paanī paanī

nadiyoñ meñ hai ravānī

panchhī chahak rahe haiñ

ḳhushiyoñ kī hai nishānī

garmī ko khā ga.ī hai

har samt chhā ga.ī hai

dil ko lubhā ga.ī hai

barsāt aa ga.ī hai

garmi ke zulm se ye

duniya dahak rahi thi

pyasi zamin kab se

aakash tak rahi thi

mausam ko kya hua hai

pal mein badal gaya hai

lu ban ke chal rahi thi

ye to wahi hawa hai

dekho chali hawaen

chillain saen saen

baadal ko sath apne

har samt le ke jaen

tham tham chale hain baadal

Dam Dam baje hain baadal

kholi hai aasman ne

baadal ki apni chhagal

pani baras raha hai

mausam ye hans raha hai

barish mein bhigta hai

kichaD mein phans raha hai

baste uThae bachche

school ko chale hain

kheton ki samt apne

dahqan nikal paDe hain

har samt pani pani

nadiyon mein hai rawani

panchhi chahak rahe hain

KHushiyon ki hai nishani

garmi ko kha gai hai

har samt chha gai hai

dil ko lubha gai hai

barsat aa gai hai