aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

barsat

MORE BYMohammad Sharfuddin Sahil

    bādal garaj rahā hai bijlī chamak rahī hai

    pur-kaif haiñ fazā.eñ har shai damak rahī hai

    bād-e-ḳhunuk chaman meñ bal khā ke chal rahī hai

    barg-e-hinā rañgat pahlū badal rahī hai

    chehre pe yāsiyat ke nūr-e-shabāb chhāyā

    maḳhmal sabz qālīñ fitrat ne yuuñ bichhāyā

    māyūs har shajar ne badlā libās apnā

    har murġh-e-ḳhush-navā ne chheḌā nayā tarānā

    niklī sadā-e-bulbul koyal kuuk gūñjī

    chiḌiyoñ chahchahāhaT lutf-e-hayāt laa.ī

    tezī meñ aa ga.ī hai dariyāoñ ravānī

    maidān khet bastī har samt paanī paanī

    chashme ubal rahe haiñ nahreñ shabāb par haiñ

    naġhmāt-e-naujavānī chañg-o-rubāb par haiñ

    phūloñ se aur phaloñ se shāḳh-e-shajar ladī hai

    ushshāq ke diloñ meñ uljhan paḌ ga.ī hai

    sarsabz ho gayā hai vīrān saarā jañgal

    jañgal meñ mach gayā hai har-sū ḳhushī mañgal

    ḳhushbū-e-jāñ-fazā se har jānvar magan hai

    un ke rag-e-amal meñ vo josh maujzan hai

    in.ām-e-be-bahā hai qudrat ye nazārā

    'sāhil' sukūn-e-dil hai fitrat ye nazārā

    baadal garaj raha hai bijli chamak rahi hai

    pur-kaif hain fazaen har shai damak rahi hai

    baad-e-KHunuk chaman mein bal kha ke chal rahi hai

    barg-e-hina ki rangat pahlu badal rahi hai

    chehre pe yasiyat ke nur-e-shabab chhaya

    maKHmal ka sabz qalin fitrat ne yun bichhaya

    mayus har shajar ne badla libas apna

    har murgh-e-KHush-nawa ne chheDa naya tarana

    nikli sada-e-bulbul koyal ki kuk gunji

    chiDiyon ki chahchahahaT lutf-e-hayat lai

    tezi mein aa gai hai dariyaon ki rawani

    maidan khet basti har samt pani pani

    chashme ubal rahe hain nahren shabab par hain

    naghmat-e-naujawani chang-o-rubab par hain

    phulon se aur phalon se shaKH-e-shajar ladi hai

    ushshaq ke dilon mein uljhan si paD gai hai

    sarsabz ho gaya hai viran sara jangal

    jangal mein mach gaya hai har-su KHushi ka mangal

    KHushbu-e-jaan-faza se har jaanwar magan hai

    un ke rag-e-amal mein wo josh maujzan hai

    inam-e-be-baha hai qudrat ka ye nazara

    'sahil' sukun-e-dil hai fitrat ka ye nazara

    Source:

    Tazgi (Pg. 63)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now