bas

ga.e leTne raat Dhalte hue

uThe sub.h ko aañkh malte hue

nahā dho ke kapḌe badalte hue

uThā.ī kitāb aur chalte hue

savere kā jab tak ki schōl hai

yahī apnā har roz ma.amūl hai

khaḌe haiñ saḌak par ki ab aa.ī bas

guzartā hai ik ik minute ik baras

bas aa.ī to rush is qadar pesh-o-pas

ki allāh bas aur baaqī havas

baḌhe ham bhī chaḌhne ko jab sab ke saath

to handle pe thā paañv pedal pe haath

passenger kī vo bhiiḌ vo bas kā gate

guzarte haiñ machchhar jahāñ par sameT

koī ho gayā choT khā kar flat

kisī kī hai kohnī kisī kā hai peT

khaḌe hoñ kahāñ paañv rakkheñ kidhar

añdherā idhar hai añdherā udhar

magar hukm checker kā hai aa.iye

khaḌe kyoñ haiñ aage baḌhe jā.iye

jahāñ meñ jahāñ tak jagah pā.iye

khisakte khisakte chale jā.iye

sitāroñ se aage jahāñ aur haiñ

zamīñ aur haiñ āsmāñ aur haiñ

gae leTne raat Dhalte hue

uThe subh ko aankh malte hue

naha dho ke kapDe badalte hue

uThai kitab aur chalte hue

sawere ka jab tak ki school hai

yahi apna har roz mamul hai

khaDe hain saDak par ki ab aai bas

guzarta hai ek ek minute ek baras

bas aai to rush is qadar pesh-o-pas

ki allah bas aur baqi hawas

baDhe hum bhi chaDhne ko jab sab ke sath

to handle pe tha panw pedal pe hath

passenger ki wo bhiD wo bas ka gate

guzarte hain machchhar jahan par sameT

koi ho gaya choT kha kar flat

kisi ki hai kohni kisi ka hai peT

khaDe hon kahan panw rakkhen kidhar

andhera idhar hai andhera udhar

magar hukm checker ka hai aaiye

khaDe kyon hain aage baDhe jaiye

jahan mein jahan tak jagah paiye

khisakte khisakte chale jaiye

sitaron se aage jahan aur hain

zamin aur hain aasman aur hain