bayan safai

raat utartī ga.ī

mujh ko ḳhabar hī na thī

kāġhaz-e-be-rañg meñ sard-havas-jañg meñ

sub.h se masrūf log apnī chādar meñ band

aañkh khaTaktī nahīñ

dil pe barastī nahīñ

ḳhushk-hañsī be-namak shahr fazā meñ buland

tañg-galī kī havā

shaam ko chūhoñ kī dauḌ

tez-qadam gurba-e-shāh jahāñ kab jhapaT legī kise

kyā pata

niind kā ūñchā makāñ raushniyoñ se sajā

ham sab kī khiḌkiyāñ darvāze band haiñ

ghar kī chhateñ āhanī

ghar kī hifāzat karo ghar kī hifāzat karo

raat utartī rahe ham ko dikhā.ī na de

ham pe havā ilzām kyuuñ

raat utarti gai

mujh ko KHabar hi na thi

kaghaz-e-be-rang mein sard-hawas-jang mein

subh se masruf log apni chadar mein band

aankh khaTakti nahin

dil pe barasti nahin

KHushk-hansi be-namak shahr faza mein buland

tang-gali ki hawa

sham ko chuhon ki dauD

tez-qadam gurba-e-shah jahan kab jhapaT legi kise

kya pata

nind ka uncha makan raushniyon se saja

hum sab ki khiDkiyan darwaze band hain

ghar ki chhaten aahani

ghar ki hifazat karo ghar ki hifazat karo

raat utarti rahe hum ko dikhai na de

hum pe hawa ilzam kyun