be-KHabar log

magar un ke andar jarāsīm haiñ

ruuh kī jhurriyoñ ko jhulas dene vaale

jinheñ zañg-ālūd chehre

faqat caustic aur tezāb se saaf karnā

sukūñ baḳhshtā hai

jin kī theory

sigreToñ ke dhueñ chaa.e kī pyāliyāñ

kuchh na kuchh kar guzarne kī bāteñ

magar kuchh na karne kī aadat pe

mauqūf hai

soch meñ raushnī hai

amal nafratoñ ke añdhere kī jānib liye jā rahā hai

unheñ pūchhne kī ijāzat nahīñ hai

unheñ dekhne kā koī haq nahīñ hai

ki kitne na.e naam

phir raushnī ne salīboñ kī dīvār par likh diye haiñ

ki kitne purāne miTā.e ga.e haiñ

suno vaqt shab-ḳhūn jab mārtā hai

to ḳhvāboñ meñ jaage hue ko bhī

murda hī gardāntā hai

magar un ke andar jarasim hain

ruh ki jhurriyon ko jhulas dene wale

jinhen zang-alud chehre

faqat caustic aur tezab se saf karna

sukun baKHshta hai

jin ki theory

sigreTon ke dhuen chae ki pyaliyan

kuchh na kuchh kar guzarne ki baaten

magar kuchh na karne ki aadat pe

mauquf hai

soch mein raushni hai

amal nafraton ke andhere ki jaanib liye ja raha hai

unhen puchhne ki ijazat nahin hai

unhen dekhne ka koi haq nahin hai

ki kitne nae nam

phir raushni ne salibon ki diwar par likh diye hain

ki kitne purane miTae gae hain

suno waqt shab-KHun jab marta hai

to KHwabon mein jage hue ko bhi

murda hi gardanta hai