be-rozgar

to

aur ik baar

phir

merā

selection

ho nahīñ paayā

merī

har ek

nākāmī pe

rassī muskurātī hai

ḳhushī se

aiñTHtī hai

aur

na.e bal paḌte jaate haiñ

mujhe apnā galā ghuTtā huā mahsūs hotā hai

maiñ

apnī

chhat se

jab

nīche galī meñ

jhāñktā huuñ

to

ye lagtā hai

saḌak mujh ko

uchhal kar

khīñch le jā.egī

apne sañg

Darā detā hai ye ehsās

aur

mujh ko pasīne se lahū kī gandh aatī hai

agar

maiñ duur se bhī

rail kī

āvāz suntā huuñ

to

koī

ajnabī

haibat mujhe jhakjhor detī hai

aziyyat

ḳhuun ke

katroñ meñ

yuuñ karvaT badaltī hai

ki maiñ TukḌoñ meñ baTte ruuh ko mahsūs kartā huuñ

mere kamre kā

cieling-fan

hañstā hai

merī jānib

lapaktā hai

maiñ Dar se

kaañp jaatā huuñ

simaT kar

baiTh jaatā huuñ

kisī kone meñ kamre ke

yuuñ lagtā hai

ka.ī sadiyoñ kā lambā fāsla tai kar ke maiñ ne sub.h paa.ī hai

magar

maiñ sochtā huuñ

kab talak āḳhir

maiñ

apne aap ko

ḳhud se bachā.uñgā

mahz

ik aur nākāmī

maiñ ab ke TuuT jā.ūñgā

badan se chhūT jā.ūñgā

to

aur ek bar

phir

mera

selection

ho nahin paya

meri

har ek

nakaami pe

rassi muskuraati hai

KHushi se

ainTHti hai

aur

nae bal paDte jate hain

mujhe apna gala ghuTta hua mahsus hota hai

main

apni

chhat se

jab

niche gali mein

jhankta hun

to

ye lagta hai

saDak mujh ko

uchhal kar

khinch le jaegi

apne sang

Dara deta hai ye ehsas

aur

mujh ko pasine se lahu ki gandh aati hai

agar

main dur se bhi

rail ki

aawaz sunta hun

to

koi

ajnabi

haibat mujhe jhakjhor deti hai

aziyyat

KHun ke

katron mein

yun karwaT badalti hai

ki main TukDon mein baTte ruh ko mahsus karta hun

mere kamre ka

cieling-fan

hansta hai

meri jaanib

lapakta hai

main Dar se

kanp jata hun

simaT kar

baiTh jata hun

kisi kone mein kamre ke

yun lagta hai

kai sadiyon ka lamba fasla tai kar ke main ne subh pai hai

magar

main sochta hun

kab talak aaKHir

main

apne aap ko

KHud se bachaunga

mahz

ek aur nakaami

main ab ke TuT jaunga

badan se chhuT jaunga