be-saKHta dil ye chahta hai

hangāma-e-roz-o-shab se haT kar

kuchh der ko zaat se nikal kar

ehsās mile jo māvarā.ī

be-sāḳhta dil ye chāhtā hai

vo haath jo likh rahā hai sab kuchh

taqdīr kā khol kar navishta

jab apne hī dhyān meñ magan ho

chupke se uThā ke eḌiyoñ ko

haule se varaq ulaT ke dekhūñ

is vaqt meñ jo hai aane vaalā

jāñ-levā masāfatoñ ke rastoñ

par kaun kahāñ talak chalā hai

aur ḳhaak ke is badan pe kitnā

dukh dard kī ḳhema bastiyoñ kā

ye bojh koī uThā sakā hai

āñkhoñ meñ jale diyoñ kī lau ne

bujhne meñ liyā hai vaqt kitnā

kab tak bharam āñsuoñ kā rakhā

ḳhvāboñ kī hatheliyoñ ne kab tak

afsūñ ke charāġh thaam rakkhe

mai-ḳhāna-e-sarḳhushī ne kab tak

mastī ke ayāġh thaam rakkhe

qadmoñ ne diyā thā kis qadar saath

ik dauḌ ko hārne se pahle

ik paikar-e-dard se tarab kā

malbūs utārne se pahle

be-sāḳhta dil ye chāhtā hai

hangama-e-roz-o-shab se haT kar

kuchh der ko zat se nikal kar

ehsas mile jo mawarai

be-saKHta dil ye chahta hai

wo hath jo likh raha hai sab kuchh

taqdir ka khol kar nawishta

jab apne hi dhyan mein magan ho

chupke se uTha ke eDiyon ko

haule se waraq ulaT ke dekhun

is waqt mein jo hai aane wala

jaan-lewa masafaton ke raston

par kaun kahan talak chala hai

aur KHak ke is badan pe kitna

dukh dard ki KHema bastiyon ka

ye bojh koi uTha saka hai

aankhon mein jale diyon ki lau ne

bujhne mein liya hai waqt kitna

kab tak bharam aansuon ka rakha

KHwabon ki hatheliyon ne kab tak

afsun ke charagh tham rakkhe

mai-KHana-e-sarKHushi ne kab tak

masti ke ayagh tham rakkhe

qadmon ne diya tha kis qadar sath

ek dauD ko haarne se pahle

ek paikar-e-dard se tarab ka

malbus utarne se pahle

be-saKHta dil ye chahta hai