be-yaqini

yuuñ to apne hī andar kā sach aur vo sach hai are tā-abad tujh ko kaafī hai

kal kī jānib se is be-yaqīnī ke saare avāriz kā shāfī hai

terī sad-samt aur be-ġharaz chhoTī chhoTī ka.ī ḳhidmatoñ kā ye pushtāra hai

be-chāra

aur us ke saath ek dard-e-nadāmat hī vaj.h-e-muāfī hai

is tarah pesh-bīnī rivāyāt aur maslahat ke munāfī hai

phir bhī

tujhe haal kā koī yak-tarfa sāhib-e-maqāl aaj jo bhī kahe

yaad ye bhī rahe

kitne hāloñ kī tārīḳh ne un ko kyā kar diyā

jis kā jitnā thā haq rafta rafta adā kar diyā

jab tirā haal maazī banegā to go agle pichhloñ pe hairat kareñge

terī ḳhud-nā-tamāmī na vāzeh huī to hikāyat shikāyat kareñge

aur kuchh laġhzishoñ kī nadāmat kareñge

magar tere sach aur tujh se bahut hī mohabbat kareñge

yun to apne hi andar ka sach aur wo sach hai are ta-abad tujh ko kafi hai

kal ki jaanib se is be-yaqini ke sare awariz ka shafi hai

teri sad-samt aur be-gharaz chhoTi chhoTi kai KHidmaton ka ye pushtara hai

be-chaara

aur us ke sath ek dard-e-nadamat hi wajh-e-muafi hai

is tarah pesh-bini riwayat aur maslahat ke munafi hai

phir bhi

tujhe haal ka koi yak-tarfa sahib-e-maqal aaj jo bhi kahe

yaad ye bhi rahe

kitne haalon ki tariKH ne un ko kya kar diya

jis ka jitna tha haq rafta rafta ada kar diya

jab tera haal mazi banega to go agle pichhlon pe hairat karenge

teri KHud-na-tamami na wazeh hui to hikayat shikayat karenge

aur kuchh laghzishon ki nadamat karenge

magar tere sach aur tujh se bahut hi mohabbat karenge