bebasi

maiñ ne chāhā thā ki tāroñ kī bujhā duuñ sham.eñ

nikhat-o-nūr ke sāñche meñ jo dekhā thā use

kaun kar saktā hai inkār-e-vajūd

maiñ ne dekhī haiñ lachaktī huī bāñheñ us kī

marmarīñ shānoñ pe bikhrī huī mushkīñ zulfeñ

ras bhare hoñT

rasīlī āñkheñ

tāb-e-nazāra na muusā ko huī kyoñ hotī

us kī āñkhoñ meñ the sahme hue jazbāt nihāñ

kaash us ne mire mahbūb ko dekhā hotā

kaash muusā kā ḳhudā merā raqīb

mere mahbūb ke hote bhī ḳhudā.ī kartā

haa.e ye bebasī aur majbūrī

bar-sar-e-tūr meñ raushan taare

maiñ ne chāhā thā ki tāroñ kī bujhā duuñ sham.eñ

main ne chaha tha ki taron ki bujha dun shamen

nikhat-o-nur ke sanche mein jo dekha tha use

kaun kar sakta hai inkar-e-wajud

main ne dekhi hain lachakti hui banhen us ki

marmarin shanon pe bikhri hui mushkin zulfen

ras bhare honT

rasili aankhen

tab-e-nazara na musa ko hui kyon hoti

us ki aankhon mein the sahme hue jazbaat nihan

kash us ne mere mahbub ko dekha hota

kash musa ka KHuda mera raqib

mere mahbub ke hote bhi KHudai karta

hae ye bebasi aur majburi

bar-sar-e-tur mein raushan tare

main ne chaha tha ki taron ki bujha dun shamen