KHud-faramoshi

chalā thā ghar se ki bachche kī fees denī thī

kahā thā biivī ne bech aa.uuñ bāliyāñ us kī

ki ghar kā ḳharch chale aur davā bhī aa jaa.e

savāl ye hai ki kyā ilm ne diyā ab tak

bajā.e kal ke agar aaj mar ga.e to kyā

zamīñ pe kitne masā.il haiñ aadmī ke liye

ḳhayāl aayā chalo aaj jab ki zinda haiñ

chaḌhā ke ā.eñge do phuul gor-e-mādar pe

ki chāñd meñ to kisī maañ kī qabr kyā hogī

na jaane kyā huā jab ghar pahuñch gayā apne

batāyā biivī ne phir aaj pī ke aayā huuñ

chala tha ghar se ki bachche ki fees deni thi

kaha tha biwi ne bech aaun baaliyan us ki

ki ghar ka KHarch chale aur dawa bhi aa jae

sawal ye hai ki kya ilm ne diya ab tak

bajae kal ke agar aaj mar gae to kya

zamin pe kitne masail hain aadmi ke liye

KHayal aaya chalo aaj jab ki zinda hain

chaDha ke aaenge do phul gor-e-madar pe

ki chand mein to kisi man ki qabr kya hogi

na jaane kya hua jab ghar pahunch gaya apne

bataya biwi ne phir aaj pi ke aaya hun