bechaini

ḳhayāl-o-ḳhvāb-o-aqā.ed kī sehar-kārī tak

ghuTe ghuTe se shab-o-roz the bujhī sī fazā

na jānñe se chalī baat jānñe kī taraf

sukūt-e-maut hai lekin sukūt ḳhatm huā

junūñ-sarisht se jazbe amal kī rāhoñ meñ

libās oḌhe hue azm kā nikalte haiñ

ḳhirad ke des meñ tanzīm zindagī le kar

bahut hī kam haiñ jo aise sañvar ke chalte haiñ

hayāt ek safar hai bahut aziim safar

gurez-o-jazb meñ Duubā huā hai har lamha

bahut aziiz hai jo fikr kaam aa jaa.e

ki us se baḌh ke kahāñ vaqt kā koī hadiya

hayāt sūd-o-ziyāñ se navisht rahtī hai

hayāt sūd-o-ziyāñ ke jahāñ kā mehvar hai

kabhī hai dil kā zarar yaañ kabhī hai jaañ ko sakūñ

kabhī davā hai kabhī zaḳhm-e-dil pe nashtar hai

hayāt rāh-e-aziyyat hai apnī manzil meñ

magar ye rāh-e-aziyyat tamām hone tak

na jaane kitnī umañgoñ kā ḳhuun ho jaa.e

koī to pyaas bujhe jashn-e-jām hone tak

KHayal-o-KHwab-o-aqaed ki sehar-kari tak

ghuTe ghuTe se shab-o-roz the bujhi si faza

na jaanne se chali baat jaanne ki taraf

sukut-e-maut hai lekin sukut KHatm hua

junun-sarisht se jazbe amal ki rahon mein

libas oDhe hue azm ka nikalte hain

KHirad ke des mein tanzim zindagi le kar

bahut hi kam hain jo aise sanwar ke chalte hain

hayat ek safar hai bahut azim safar

gurez-o-jazb mein Duba hua hai har lamha

bahut aziz hai jo fikr kaam aa jae

ki us se baDh ke kahan waqt ka koi hadiya

hayat sud-o-ziyan se nawisht rahti hai

hayat sud-o-ziyan ke jahan ka mehwar hai

kabhi hai dil ka zarar yan kabhi hai jaan ko sakun

kabhi dawa hai kabhi zaKHm-e-dil pe nashtar hai

hayat rah-e-aziyyat hai apni manzil mein

magar ye rah-e-aziyyat tamam hone tak

na jaane kitni umangon ka KHun ho jae

koi to pyas bujhe jashn-e-jam hone tak