bela

kis qadar dil-fareb hai belā

ḳhushnumā dil-pazīr albelā

hai bharā is kī zaat se gulzār

dīdanī shaam ko hai is kī bahār

is kā paudā falak se bartar hai

is kā har phuul rashk-e-aḳhtar hai

shauq se is ko toḌ laate haiñ

log hamdam ise banāte haiñ

husn-afzā-e-mah-jabīnāñ hai

raunaq-e-mahfil-e-hasīnāñ hai

is se paate haiñ taqviyat armāñ

bazm-e-ishrat kī hai ye rūh-e-ravāñ

bū-e-ḳhush is kī dil ko bhātī hai

tāzgī is se ruuh paatī hai

is kā rang-e-sabīh aafat hai

is kī sūrat ḳhudā kī qudrat hai

kis qadar dil-fareb hai bela

KHushnuma dil-pazir albela

hai bhara is ki zat se gulzar

didani sham ko hai is ki bahaar

is ka pauda falak se bartar hai

is ka har phul rashk-e-aKHtar hai

shauq se is ko toD late hain

log hamdam ise banate hain

husn-afza-e-mah-jabinan hai

raunaq-e-mahfil-e-hasinan hai

is se pate hain taqwiyat arman

bazm-e-ishrat ki hai ye ruh-e-rawan

bu-e-KHush is ki dil ko bhati hai

tazgi is se ruh pati hai

is ka rang-e-sabih aafat hai

is ki surat KHuda ki qudrat hai