bhaarat ka nishan

aao manā.eñ ham sab mil kar ab jashn-e-āzādī

des kā jhanDā ūñchā rakkheñ haath baneñ faulādī

pūrab meñ phir lahrā uTThā amn-o-amāñ kā parcham

barg-e-gul par naach rahī hai motī jaisī shabnam

nadiyoñ ne phir chheḌ diyā hai āzādī kā sargam

aao manā.eñ ham sab mil kar ab jashn-e-āzādī

des kā jhanDā ūñchā rakkheñ haath baneñ faulādī

āzādī kī ḳhātir dī hai ham sab ne qurbānī

abul-kalām aur nehru jaise netā the lā-sānī

un ke azm ke aage ho ga.e dushman paanī paanī

aao manā.eñ ham sab mil kar ab jashn-e-āzādī

des kā jhanDā ūñchā rakkheñ haath baneñ faulādī

maazī ke ġham aaj bhulā kar mustaqbil chamkā.eñ

aapas ke sab bhed miTā kar pyaar ke naġhme gaa.eñ

gañg-o-jaman kī is dhartī ko phūloñ se mahkā.eñ

aao manā.eñ ham sab mil kar ab jashn-e-āzādī

des kā jhanDā ūñchā rakkheñ haath baneñ faulādī

aao manaen hum sab mil kar ab jashn-e-azadi

des ka jhanDa uncha rakkhen hath banen fauladi

purab mein phir lahra uTTha amn-o-aman ka parcham

barg-e-gul par nach rahi hai moti jaisi shabnam

nadiyon ne phir chheD diya hai aazadi ka sargam

aao manaen hum sab mil kar ab jashn-e-azadi

des ka jhanDa uncha rakkhen hath banen fauladi

aazadi ki KHatir di hai hum sab ne qurbani

abul-kalam aur nehru jaise neta the la-sani

un ke azm ke aage ho gae dushman pani pani

aao manaen hum sab mil kar ab jashn-e-azadi

des ka jhanDa uncha rakkhen hath banen fauladi

mazi ke gham aaj bhula kar mustaqbil chamkaen

aapas ke sab bhed miTa kar pyar ke naghme gaen

gang-o-jaman ki is dharti ko phulon se mahkaen

aao manaen hum sab mil kar ab jashn-e-azadi

des ka jhanDa uncha rakkhen hath banen fauladi