bhagwan-kirshn

ziist kā tarjumāñ hai merā kirshn

ya.anī jān-e-jahāñ hai merā kirshn

hai vahī mālik-e-fanā-o-baqā

vālī-e-do-jahāñ hai merā kirshn

aap jaada hai aap manzil hai

ya.anī manzil-nishāñ hai merā kirshn

merī manzil qarīb-tar kar dī

rū-kash-e-rahbarāñ hai merā kirshn

bāġh-e-īmāñ ko tāzgī baḳhshī

nāzish-e-gulsitāñ hai merā kirshn

merī duniyā sañvār dī us ne

merī rūh-e-ravāñ hai merā kirshn

fikr-e-duniyā-o-āqibat hī nahīñ

zāmin-e-do-jahāñ hai merā kirshn

zist ka tarjuman hai mera kirshn

yani jaan-e-jahan hai mera kirshn

hai wahi malik-e-fana-o-baqa

wali-e-do-jahan hai mera kirshn

aap jada hai aap manzil hai

yani manzil-nishan hai mera kirshn

meri manzil qarib-tar kar di

ru-kash-e-rahbaran hai mera kirshn

bagh-e-iman ko tazgi baKHshi

nazish-e-gulsitan hai mera kirshn

meri duniya sanwar di us ne

meri ruh-e-rawan hai mera kirshn

fikr-e-duniya-o-aqibat hi nahin

zamin-e-do-jahan hai mera kirshn